14:54, 15.09.2021 58371

Қатар аёлларига ҳуқуқларини қайтариб берган биринчи хоним — шайх Моза ҳикояси

Шарқ аёли деганда кўз ўнгимизга тўқ либосга бурканган, умр йўлдошининг итоатли сояси бўлиб юрадиган аёл келади. Аммо дунё ўзгаради, бир жойда турмайди. Шайх Моза эса бунга яққол мисол бўла олади. У шарқ аёлининг нуфузли шахс бўла олиши мумкинлигини исботлай олган.

Фото: «Домашний очаг»

Ушбу аёл шунчаки мода ихлосманди эмас, ўзига хос услубда кийинишнинг намунаси ҳам саналади. Аммо бу ҳали ҳаммаси эмас, шайх Моза сиёсат ва бизнесда ҳам ўзини синаб кўрган ҳамда муваффақиятга эришган. Кийиниш борасида янгиликлардан чўчимайди, аммо шу билан бирга, образларидан анъаналарга содиқлиги уфуриб туради.

Фото: Instagram / @mozabintnasser

Етти нафар фарзандли бўлишига қарамай, у ҳамон сарвқомат

Нозик қадди-қоматига ҳавас қилса арзийдиган Шайх Мозанинг 7 нафар фарзанди борлигига ишониш қийин. У фарзандларининг барини 1995—2013 йиллар оралиғида дунёга келтирган. Хамад бин Калиф ал-Танининг иккинчи рафиқаси Мозани кўрганида Қатар аҳолиси ҳайратдан ёқа ушлаган. Унинг бошқа аёллардек ўраниб юрмаслиги, қоматига урғу берадиган либосларни кийиши барчани лол қолдирган. Қолаверса, аёл кишининг давлат ишларида фаоллиги, ҳамиша қабул ва иш билан боғлиқ тушликларда турмуш ўртоғи билан елкама-елка туриши ҳам фуқаролар учун янгилик бўлган.

Биринчи таълим, кейин «оқ отдаги шаҳзода»

Фото: «Домашний очаг»

Шайх Моза болалигиданоқ қалби ва тафаккурига қулоқ солиб улғайган. Қатарнинг меросхўр шаҳзодаси унга турмуш қуришни таклиф қилганида у 18 ёшда бўлган. Аммо у оила қуришга қарор қилишдан аввал таълим олишни муҳим деб ҳисоблаган. Қатар университетида ўқиб, Америкада стаж ўтаганидан кейингина турмушга чиқишга розилик берган. Оила қурганидан кейин эса ўзини оиласига бағишлаган.

Фото: Instagram / @mozabintnasser

Турмуш ўртоғи унинг эркини чекламаган

Фото: «Домашний очаг»

1995 йилда Мозанинг умр йўлдоши Қатар амири бўлган. Бошқалардан фарқли ўлароқ, янги амир гўзал, жозибали ва ўзига ишончи юқори бўлган аёлини уйда олиб ўтирмаган. Хоним аввалига аёлларга хос хайрия, таълим ва гуманитар лойиҳалар билан шуғулланган. Аммо кейинчалик халқ орасида амирнинг ўқимишли аёли унга таъсир кўрсата бошлади, деган миш-мишлар тарқалган. «Кул ранг кардиналлик» унга юқори расмий лавозимларни эгаллаш, ЮНЕСКО махсус элчиси бўлиш, қолаверса, бошқа мамлакатларга таълим масаласи бўйича сафар қилиш имконини берган.

Болаларни ўқитиш ва ночорларни даволаш

Фото: «Домашний очаг»

Моза сиёсий ва молиявий масалаларни ҳал қилиш билан ҳам шуғулланган. У томонидан асос солинган Арабистон демократик фонди мустақил ОАВларни қўллаб-қувватлаган. Моза оилавий масалалар бўйича Олий кенгашга раҳбарлик қилади. У дунёнинг турли бурчакларидаги болаларнинг сифатли таълим олиши учун қўлидан келганча ҳаракат қилади. Бунинг учун у турли мамлакат лидерлари билан кўришади ҳамда таълим билан боғлиқ муаммоларни ҳал қилиш юзасидан музокаралар олиб боради. Бу билан чекланиб қолмасдан, қурби етмайдиган кишиларни даволаш учун миллионлаб маблағ сарфлайди.

«Шарқ аёлларига озодлик!»

Фото: «Домашний очаг»

Мозанинг Қатарда пайдо бўлиши аёллар билан боғлиқ вазият, уларга бўлган муносабатнинг кескин даражада ўзгаришига сабаб бўлди. Нозик жинс вакиллари сайловда овоз бериш ҳуқуқига эга бўлди, машина бошқаришга рухсат берилди, шу билан бирга, кийиниш билан боғлиқ талаблар ҳам аввалгисидан фарқ қила бошлади. Соҳибжамол ва сарвқомат аёл бошқалардан фарқли равишда, аммо шу билан бирга, шарқона чегаралардан чиқмаган ҳолда кийиниши билан барчани ўзига маҳлиё қилган.

Ҳижоб ўрнига либос ва турбан

Фото: «Домашний очаг»

2002 йилдан ҳижоб кийишни бас қилган Моза узун кўйлак ҳамда сочларини турбан остига яширган ҳолда кўриниш берган. Қоматига урғу бериб турадиган ўзига хос либос ҳамда бошидаги аксессуар ўзгача услубда кўринишига ҳисса қўшган.

Қатарнинг амири сифатида маълум бўлган турмуш ўртоғи бунга қаршилик қилмаган. Расмий тадбирларда иштирок этиши, суратга тушишига изн берган.

Ўжар, ақлли ва севимли

Фото: «Домашний очаг»

Амирнинг уни ҳар томонлама қўллаб-қувватлашининг сабаби — ҳар доим ўз фикри ва позициясига эга бўлган аёлни севишида. Мозадан кейин мамлакатдаги бошқа аёллар ҳам кийиниш борасида ундан илҳомланган. Узун, аммо чиройли кўйлак кия бошлаган нозик жинс вакиллари у сингари турбандан фойдаланган.

Аммо Моза кўйлакнинг ўзи билан чекланмаган, катта камарли костюмлар, кофта ва шимлар, ҳатто кардиган билан мослаб жинси ҳам кия бошлаган. Дид ва услубни кийинишида умумлаштиришга муваффақ бўлган Моза образларини шахсан ўзи танлайди. Дунёга машҳур брендлардан кийинишни афзал биладиган хоним Valentino брендининг ашаддий мухлисларидан саналади.

Халқининг қалбидан жой олган аёл

Фото: Instagram / @mozabintnasser

Аҳолининг Мозага бўлган севгиси ўзгача. У расмий учрашувлардаги аксарият суратларида жуда ҳам дилбар ва латофатли кўринади. Бошқа биринчи хонимлар даврасида ҳам башанглиги билан ажралиб туради. Қаддини қироллик оиласи вакилларига хос тик тутиши, баланд пошнаси ва юзида акс этган ўзига бўлган ишончи барчани жалб қилади.

Моза эндиликда биринчи хоним эмас, бироқ ҳозирги мамлакат раҳбарининг волидаси ҳисобланади. 2013 йилда катта ўғли Тамим бин Ҳамад ат-Тани Килиан Қатарнинг янги амири бўлган. 27 нафар фарзанди бўлишига қарамай, собиқ амир мамлакатни Мозанинг ўғли бошқаришини истаган.

Бошқа янгиликлар