«Ўзбекконцерт» давлат муассасасида 1 сентябрь, чоршанба куни ўзбек санъати ва маданиятининг марҳум фидойиларининг яқинларига Президент Шавкат Мирзиёев фармонига асосан, давлат мукофотлари топширилди. Бу ҳақда «Дарё» мухбири хабар бермоқда.
Фото: Маданият вазирлиги ахборот хизмати
Тақдирлаш маросимида маданият вазири Озодбек Назарбеков нутқ сўзларкан, хусусан шундай деди:
«Марҳум ижодкорларнинг ҳаётлик даврида қилган меҳнатлари, яратган образлари ва қўшиқлари, ижод намуналари халқимизнинг қалбида абадий яшайди. Улар тириклигидаёқ ўзларига ҳайкал қўйишга улгурган эди. Бугун уларнинг номи қаерда тилга олинмасин, санъацевар одамлар, албатта, яхши сўзлар билан эслайди.
Фото: Маданият вазирлиги ахборот хизмати
Бу йил юртимизда биринчи марта давлатимиз раҳбари ташаббуси билан марҳум санъаткорларнинг йиллар давомида қилган меҳнатларини эътироф этиб, яқинларига мукофотларни топшириш йўлга қўйилди. Ушбу жараён анъанага айланиши, ҳар йили кўплаб марҳум санъат ва маданият вакилларини эслаш ҳамда тақдирлаш режалаштирилган.
Марҳумларнинг меҳнати вафотидан кейин ҳам давлатимиз томонидан эътироф этилиб, қадрланиши, аввало, уларнинг оила аъзоларини қувонтиради, фахр туйғусини уйғотади, деб ўйлайман. Оламдан ўтган барча санъаткорларнинг охирати обод бўлсин!».
Ўзбекистонда хизмат кўрсатган артист Фатҳулла Маъсудов учун «Фидокорона хизматлари учун» ордени турмуш ўртоғи Гулираъно Маъсудовага топширилди.Фото: Маданият вазирлиги ахборот хизмати
Ўзбекистонда хизмат кўрсатган артист Фатҳулла Маъсудовнинг турмуш ўртоғи ва ўғлиФото: Маданият вазирлиги ахборот хизмати
Ўзбекистон халқ артисти Дилбар Икромова учун «Фидокорона хизматлари учун» ордени ўғли Муроджон Икромовга топширилди.Фото: Маданият вазирлиги ахборот хизмати
Шунингдек, Ўзбекистон халқ артисти Ҳусан Шарипов учун «Фидокорона хизматлари учун» ордени ўғли Даврон Шариповга топширилди.
Ўзбекистонда хизмат кўрсатган артист Абдурайим Абдуваҳобов учун «Меҳнат шуҳрати» ордени қизи Дилдора Солиевага топширилди.Фото: Маданият вазирлиги ахборот хизмати
Ўзбекистонда хизмат кўрсатган артист Абдурайим Абдуваҳобовнинг қизи ва ўғли.Фото: Маданият вазирлиги ахборот хизмати
Ўзбекистонда хизмат кўрсатган артист Икромжон Бўронов учун «Меҳнат шуҳрати» ордени қизи Дурдона Ортиқовага топширилди.Фото: Маданият вазирлиги ахборот хизмати
Ўзбекистонда хизмат кўрсатган артист Дилнура Қодиржонова учун «Меҳнат шуҳрати» ордени қизи Диёра Тожибоевага топширилди.Фото: Маданият вазирлиги ахборот хизмати
Ўзбекистонда хизмат кўрсатган артист Ҳожибой Тожибоев учун «Меҳнат шуҳрати» ордени қизи Интизор Тожибоевага топширилди.Фото: Маданият вазирлиги ахборот хизмати
Ўзбекистонда хизмат кўрсатган артист Ҳожибой Тожибоевнинг қизлари.Фото: Маданият вазирлиги ахборот хизмати
Шунингдек, Ўзбекистон мустақиллигини мустаҳкамлаш, халқ маънавиятини юксалтириш ишларига қўшган муносиб ҳиссаси, серқирра ижоди билан ўзбек санъати ва маданиятини ривожлантиришга ҳисса қўшиб келаётган ижодкорлар ҳам мукофотланди.
Ўзбекистон давлат консерваторияси профессори Орзу Азимовага «Меҳнат шуҳрати» ордени топширилди.Фото: Маданият вазирлиги ахборот хизмати
«Ўзбекконцерт» давлат муассасаси хонандаси Гўзал Жуманиёзова (Дилсўз)га «Шуҳрат» медали топширилди.Фото: Маданият вазирлиги ахборот хизмати
Изоҳ (0)