Бэнксининг «Пуфакли қиз» сурати 2018 йилда Sotheby’s аукционида сотилиши билан гардишига ўрнатилган шредер ёрдамида қисман йўқ қилинган эди. Кимошди уйининг маълум қилинишича, картинанинг омон қолган қисми 14 октябрда бўлиб ўтадиган савдоларга қўйилади, деб ёзади Esquire.
Мазкур картина ҳозирда 5,5—8,3 миллион долларга баҳоланмоқда. Биринчи бор 1,4 миллион долларга сотилган эди. Bloomberg прогнозларига кўра, кейинги аукционда Бэнксининг ижод маҳсули 8,3 миллион долларга сотилиши мумкин. Бу каби ҳолатда унинг нархи уч йил ичида 500 фоизга ошган бўлади.
2018 йилнинг октябрида Бэнксининг энг машҳур ишларидан бири финал болғаси урилиши билан картина гардишидаги шредер ёрдамида йўқ қилина бошлаганди. Кейинроқ картина муаллифи ушбу спектаклни ўзи ўйлаб топганини маълум қилган. Ўзининг кимлигини ошкор этишни истамаган харидор арт-объектни ўзида қолдириши истаган, бироқ уни «Чиқинди идишдаги севги» дея қайта номлаган.
«Уч йил олдин сюрреалистик кечада тасодифан, лекин имтиёзларга бой ‘Чиқинди идишдаги севги’нинг эгасига айландим. Бу ақл бовар қилмас тажриба бўлди — дунёдаги энг машҳур санъат асарларидан бирининг пайдо бўлиш тарихининг бир қисмига айланиш, аммо эндиликда картинани қўйиб юбориш вақти келди», — дейди санъат асарининг ҳозирги эгаси.
Аввалроқ Нью-Йоркда Бэнксининг асари 95 минг долларга сотиб олинди ва криптовалютага айлантириш мақсадида ёқиб юборилганди.
Изоҳ (0)