Бугун,

  • USD 11095.31
  • RUB 173.84
  • EUR 10772.44

Жонс Ҳопкинс университети маълумотларига кўра, дунёда коронавирусга чалинганлар сони 209 315 544 кишига етган. 4 393 059 киши вафот этган. Касалланганлар сони бўйича АҚШ (37,1 миллион), Ҳиндистон (32,3 миллион), Бразилия (20,4 миллион), Франция (6,6 миллион) ва Россия (6,5 миллион) етакчилик қилмоқда.

Жанубий Корея

Жанубий Корея
Фото: EPA

Россия Соғлиқни сақлаш вазирлигининг Гамалея номидаги маркази коронавирусга қарши «Спутник V» вакцинасининг дельта штаммига мослаштирилган версиясини ишлаб чиқди.

«Вакцинанинг яратилган конструкцияси аллақачон совиткичда турибди», — деди марказ директори, Россия Фанлар академияси академиги Александр Гинсбург.

Шу билан бирга, унинг таъкидлашича, вакцинанинг ушбу варианти дельта штаммига қарши ҳозирда мавжуд воситаларга қараганда яхшироқ иш бериш-бермаслиги ҳозирча номаълум.

COVID-19’га қарши қайта эмланиш Америкада сентябрдан бошланади. АҚШ Соғлиқни сақлаш вазирлиги баёнотида айтилишича, президент Жо Байден маъмурияти режаларига мувофиқ, мамлакатда оммавий қайта эмлаш 20 сентябрда бошланиши керак.

Вакцинанинг учинчи дозасини дастлаб тиббиёт ходимлари, қариялар ҳамда илк иккита доза билан ҳаммадан биринчи бўлиб эмланган аҳолининг бошқа гуруҳлари олади.

Қайд этилишича, қайта эмланиш зарурияти дастлабки вакцинациядан кейин одамлар иммунитети аста-секинлик билан заифлашаётгани ҳамда дельта штамм тарқалаётгани билан боғлиқ.

Вакцинанинг иккинчи дозасини олганидан буён саккиз ой ўтган одамлар қайта эмланиши мумкин. Шунингдек, қайта эмланиш фақат Pfizer/BioNTech ва Moderna вакциналарини олганлар учун амал қилади. Бир компонентли Johnson & Johnson вакцинаси билан эмланган одамлар масаласида қандай йўл тутишни ҳукумат ўрганиб чиқмоқда.

Исроил, Франция, Германия, Буюк Британия каби баъзи бошқа мамлакатлар ҳам қайта эмланишни жорий қилишга тайёрланмоқда.

Аммо Жаҳон соғлиқни сақлаш ташкилоти (ЖССТ) ночор мамлакатлар аҳолиси ҳатто битта дозада вакцина олмаган бир пайтда бошқа мамлакатларда учинчи дозани киритмасликка чақирди.

ЖССТ бош илмий ходими Сумя Сваминатан камбағал мамлакатлардаги миллиардлаб одамлар ҳалигача коронавируснинг бирорта дозаси билан ҳам эмланмагани юзасидан хавотир билдирди. Унинг сўзларига кўра, бу «янада оғирроқ вазият»га олиб келиши ва COVID-19’нинг янги штаммлари пайдо бўлишига туртки бериши мумкин.

Вакцинация COVID-19’нинг оғир кечиши ҳамда дельта штаммдан ўлимнинг олдини олади, деди ЖССТ бош илмий ходими Сумя Сваминатан.

«Агар касалликнинг оғир кечиши, касалхонага ётқизишлар ва ўлимлар бўйича статистикага қарасангиз, вакциналар бундай ҳолатлар сони ўсишининг олдини олишини аниқ кўриш мумкин, дельта штамм борасида ҳам бу амал қилади», — деди у.

Ўз навбатида, ЖССТ эксперти Мария ван Керкхове қўшимча қилишича, ҳатто вакцинация даражаси юқори бўлган мамлакатларда ҳам дельта штамм айнан эмланган одамлар сони кам бўлган ва COVID-19 тарқалишининг олдини олиш бўйича чораларга риоя қилинмайдиган ҳудудларда айланиб юрибди.

Латвия пойтахти Ригада 18 август, чоршанба куни мажбурий вакцинацияга қарши намойиш бўлиб ўтди, унда бир неча минглаб киши қатнашди.

Акция дастлаб Озодлик ҳайкали  яқинида бошланган, кейин намойишчилар асосий йиғилиш жойи — Рига қасри (президент қароргоҳи)га қараб йўл олган.

Намойиш чоғида иштирокчилар орасида кўплаб қонун бузилиш ҳолатлари, хусусан, эпидемиологик хавфсизлик чораларига риоя қилмаслик, жамоат жойида сархуш ҳолатда бўлиш, безорилик, мулкка атайлаб зарар етказиш, шунингдек, полиция ходимига ҳужум қилиш каби ҳолатлар аниқланган.

Аввалроқ Латвияда тиббий, ижтимоий, таълим ва бошқа муассасалар учун вакцинация мажбурий этиб белгиланган эди.

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди