Bugun,

  • USD 10920.28
  • RUB 177.49
  • EUR 11052.42

Amerikalik olimlar koronavirusga qarshi ikki vaksina — Moderna va Pfizer’ning delta shtammga qarshi samaradorligini o‘rganmoqda. MedRxiv portalida e’lon qilingan ma’lumotlarga ko‘ra, Moderna Pfizer’dan samaraliroq bo‘lib chiqqan. Ikkala preparat ham Amerika kompaniyalari tomonidan ishlab chiqariladi.

Foto: LIGA.net

Xabarda yangi tibbiy tadqiqotlar haqida ma’lumot berilgan. Ular endi baholab chiqiladi, shuning uchun ulardan klinik amaliyot uchun qo‘llanma sifatida foydalanmaslik kerakligi aytilmoqda.

Tadqiqot Meyo Klinikasi yordamida 50 mingdan ortiq bemorlar ishtirokida o‘tkazilgan. Minnesota shtatidagi Meyo klinikasi notijorat tashkilot bo‘lib, u dunyodagi eng yirik xususiy tibbiy tadqiqot markazlaridan biri.

Tadqiqotchilar koronavirusning delta varianti avj olgan iyul oyida Moderna vaksinasining virusga qarshi samaradorligi 76 foizga tushib qolganini aniqladi. Yil boshida samaradorlik 86 foizni tashkil etgandi. Tadqiqot ma’lumotlariga ko‘ra, xuddi shu davrda Pfizer / BioNTech vaksinasining samaradorligi ham 76 foizdan 42 foizgacha tushib ketgan.

“Ikkalasi ham samarali deb hisoblansa-da, yil boshida Pfizer yoki Moderna olganlarning barchasini tez orada Moderna bilan emlashga to‘g‘ri kelishi mumkin”, — dedi Massachusets shtatining nference analitik kompaniyasi xodimi, doktor Venki Soundararajan. U Meyo tadqiqotlariga rahbarlik qilgan.

Avvalroq Jahon vaksinalar kongressida Moderna COVID-19’ga qarshi eng yaxshi vaksina deb tanlangandi.

Izoh
Asosiy yangiliklar
Dunyo
AQSH armiyasi yollanma askarlar tanqisligiga duch kelmoqda — Bloomberg
Sport
“Temur ham, Bobur ham Hindistonni aql bilan olgandi”. Twitter foydalanuvchilari shaxmat Olimpiadasidagi g‘alaba haqida
Madaniyat
Instagram: Tug‘ilgan kunini nishonlagan Shahzoda Matchonova, yangi mashinali bo‘lgan Aziza Xalilova, farzandli bo‘lgan Yulduz Nizomova