Қирғизистон пойтахти Бишкекдаги БМТ биноси олдида ўнлаб афғонистонлик қочқинлар 18 август куни норозилик намойиши ўтказиб, уларга Қирғизистон фуқаролиги берилишини ёки бўлмаса, уларни АҚШ ё Канадага юборишни талаб қилди.
«Биз Қирғизистонда қочқинлар гувоҳномаси билан яшаяпмиз, бу ҳужжат билан ишга жойлашиш қийин. Ё бизга Қирғизистон фуқаролиги берилсин ё бизни Канада ёки Америкага юборишсин», — дейди пикет иштирокчиси Али Сарвар Муҳаммад Наби.
Унинг сўзларига кўра, Афғонистондан келган баъзи қочқинлар Қирғизистонда 18-20 йилдан бери яшаб келмоқда, лекин уларга тегишли ҳужжатлар берилмаяпти. Шунингдек, БМТдан ҳеч ким уларнинг ёнига келмаган, ишонч телефони орқали саволларга жавоб олишнинг ҳам иложи бўлмаган.
«Эшитишимизча, Афғонистондаги тартибсизликлар туфайли кўплаб фуқаролар ҳозир АҚШ ёки Канадага юборилмоқда, бизни ҳам у ерга юборишларини истаймиз», — деб талаб қилмоқда намойишчилар.
Намойишчилар Қирғизистондаги АҚШ элчихонаси олдида пикетни давом эттиришга ваъда бермоқда.
Аввалроқ Кобулда аёллар норозилик намойиши ўтказгани, «Толибон» Нангарҳорда намойишчиларни ўққа тутгани ҳақида хабар берилганди.
Мавзуга доир:
- Британия элчиси Лори Бристоу «Толибон» ғалабасидан сўнг Афғонистонни тарк этиши керак эди. Аммо у қолди ва шахсан ўзи Кобул аэропортида афғонларга виза берди
- Юзлаб одамлар Кобул аэропортида Афғонистондан учиб кетаётган сўнгги самолётларга чиқиб олишга уринди. Бир неча киши ҳалок бўлди (фото ва видео)
Изоҳ (0)