Бугун,

  • USD 11095.31
  • RUB 173.84
  • EUR 10772.44

Қозоғистон президенти Қосим-Жўмарт Тўқаев давлат органлари вакиллари билан учрашувда Афғонистондаги вазиятга тезкор жавоб чораларини муҳокама қилди. Бу ҳақда Қозоғистон президенти матбуот котиби Берик Уалига таяниб, «ТАСС» хабар берди.

Фото: Nur.kz

Фото: Nur.kz

«Афғонистон Ислом Республикасидаги вазият бўйича Қозоғистон миллий манфаатларини ва мамлакатимиз фуқароларининг хавфсизлигини таъминлаш масалаларини ҳисобга олган ҳолда тезкор чоралар кўриш масаласи муҳокама қилинди. Президент тегишли идораларга Афғонистондаги вазиятнинг ривожланишини ҳар томонлама кузатишда давом этиш вазифасини юклади, ушбу мамлакат билан кейинги ҳамкорлик тўғрисида қарор қабул қилиш учун бу жуда муҳим», — деб ёзди Уали Facebookдаги саҳифасида.

Унинг хабарига кўра, йиғилишда республика бош вазири Асқар Мамин, шунингдек, Миллий хавфсизлик қўмитаси, Ташқи ишлар, Мудофаа, Ички ишлар, Фавқулодда вазиятлар вазирликлари, Бош прокуратура, Давлат хавфсизлик хизмати раҳбарлари ва Хавфсизлик кенгаши котиби иштирок этган.

15 август куни Қозоғистон Ташқи ишлар вазирлигининг расмий вакили Ойбек Смадияров «ТАСС»га берган интервьюсида маълум қилишича, Афғонистонда Қозоғистон фуқаролари йўқ, мамлакатда қолган дипломатик миссия ходимлари бундан мустасно. Унинг таъкидлашича, Афғонистон пойтахтидаги Қозоғистон элчихонаси ўз ишини давом эттиради, лекин қисқартирилган таркибда.

Эслатиб ўтамиз, 15 август куни «Толибон» Афғонистоннинг бутун ҳудудини ўз назорати остига олганини эълон қилди. Шу куни «Толибон» Кобулдаги президент саройига кирди. Кейинроқ ҳукумат кучлари тарк этган барча давлат муассасаларини ва давлат телевидениесини эгаллаб олди.

Афғонистон президенти Ашраф Ғани истеъфо беришга рози бўлган ва мамлакатни тарк этган. The New York Times ва Al Jazeera Ашраф Ғанининг Ўзбекистонга йўл олгани ҳақида хабар берди. Аммо кейинроқ Ашраф Ғани Ўзбекистонда ҳам, Тожикистонда ҳам, Қозоғистонда ҳам эмаслиги маълум қилинди.

Изоҳ
Асосий янгиликлар
Маҳаллий
“Чегара масаласининг якуний ҳал этилиши Марказий Осиё минтақасида барқарорлик ва хавфсизликни мустаҳкамлашга хизмат қилади” —  Садир Жапаров 
Маҳаллий
“Боланг туғилгач икковингга бензин қуйиб, ёқиб юбораман, деб таҳдид қилган” — Фарғонада эрининг Matiz’ида ўзини ёқиб юборгани айтилган марҳуманинг яқинлари
Маҳаллий
Ўзбекистонда дам олиш кунлари ҳарорат аста-секин кўтарилади