«Толибон» 15 август куни Афғонистон устидан тўлиқ назорат ўрнатганини эълон қилди , республика президенти Ашраф Ғани чет элга қочиб кетди. «Толибон» қўлига ўтган мамлакатда нималар рўй бераётгани ҳақида «РБК» фоторепортаж тайёрлади.
«Толибон» Афғонистон пойтахти Кобулда. «Толибон»нинг даъво қилишича, улар Кобулда тартибсизликлар ва талон-торожлар бўлишига йўл қўймаслик учун шаҳарни эгаллаган, чунки ҳукумат хавфсизлик кучлари Кобулни тарк этганди. Бирлашган Миллатлар Ташкилоти илгари жангарилар босиб олган ҳудудларда зўравонлик ва судсиз қатл қилиш ҳоллари ҳақида хабар берган. Фото: Twitter
Афғонистон аҳолиси «Толибон» раҳбарлиги остида яшашга тайёрланмоқда. Маҳаллий фуқаро дунёвий кийимдаги аёлларнинг суратларини деворлардан ўчириб ташламоқда. «Толибон» мамлакатдаги барча аёллар паранжи кийиши шартлигини эълон қилганди. Фото: Twitter
Кобулдаги хорижий элчихоналар олдида одамлар навбатда турибди. Фото: Twitter
Кобулдаги АҚШ элчихонаси ёнидан тутун кўтарилмоқда. АP манбаларининг хабар беришича, америкаликлар элчихона томида махфий ҳужжатларни ёқишмоқда. CNN хабарига кўра, 15 август куни АҚШ мамлакатда қолган дипломатларини эвакуация қилишни бошлаган. Фото: AP Photo
Қандаҳор полициясининг собиқ раҳбари Тадин Хон Ҳиндистонга қочиб кетди. Юқорида Хоннинг Нью-Деҳлидаги Индира Ганди халқаро аэропортида олинган сурати. Фото: Twitter
Кобулни эгаллашдан олдин «Толибон» тарафдорлари Афғонистон шарқидаги Нангарҳор вилоятининг маъмурий маркази Жалолободни жангсиз босиб олди. Бу ҳукумат назорати остидаги пойтахтдан ташқари сўнгги муҳим нуқта эди. Жалолобод губернатори қон тўкилишига йўл қўймаслик учун шаҳарни топширди. Фото: EPA
Айни вақтда Кобул: шаҳар маркази кимсасиз қолган, аэропортга олиб борадиган йўлларда тирбандлик юзага келган. «Толибон» барча чегара пунктларини эгаллаб олганидан сўнг эндиликда мамлакатни фақат пойтахт аэропорти орқали тарк этиш мумкин. Фото: Twitter
Кобулда «тартибсизликларни бостириш» учун соат 21:00 дан бошлаб комендантлик соати жорий этилди. «Толибон» патруллари кўчаларда кузатув олиб бормоқда, жангарилар қўлида қурол билан кўрган кишисини «қаттиқ жазолашни» ваъда қилган. Фото: Twitter
«Толибон» жангарилари Жалолободда патруллик қилмоқда. Фото: EPA
«Толибон» тарафдорлари жангарилар ғалабасини олқишламоқда. Фото: Twitter
«Толибон» Жалолободда. Мамлакатдаги бешинчи йирик шаҳар — Жалолободнинг губернатори ҳокимиятни Шайх Нида Муҳаммадга топширди. Фото: Twitter
Афғонистонликлар пойтахтдаги Кобул банкидан пул олиш учун банк ёнида соатлаб навбат кутмоқда. Фото: AP Photo
«Толибон» Қандаҳорда патруллик қилмоқда. Фото: EPA
Афғонистонликлар Эроннинг Кобулдаги элчихонаси олдида виза олиш учун узун навбат ҳосил қилган. Фото: AP Photo
«Толибон»нинг ахборот ва маданият бўлими раҳбари Аҳмадулла Муттаки журналистлар билан. Фото: EPA
Афғонистонликлар Кобул аэропортига кетмоқда. Фото: Reuters
Жалолободдаги «Толибон» патруллари. Фото: EPA
«Толибон» Жалолободда. Фото: EPA
Кобул. Фото: Reuters
Кобулдаги виза олиш марказида навбат кутаётган одамлар. Фото: Twitter
АҚШнинг Chinook вертолёти Кобулдаги АҚШ элчихонаси биноси ёнида учиб кетмоқда. Фото: AP Photo
Ҳукумат кучлари томонидан ташлаб кетилган Афғонистон армияси самолёти. Фото: Twitter
Изоҳ (0)