Қозоғистон президенти Қосим-Жўмарт Тўқаев Ўзбекистон бош вазири Абдулла Ариповни II даражали «Дўстлик» ордени билан мукофотлаш тўғрисидаги фармонни имзолади. Бу ҳақда Қозоғистон элчихонасига таяниб, «Xabar.uz» хабар берди.
«Дўстлик» ордени Қозоғистоннинг энг юқори давлат мукофоти бўлиб, чет эл давлатлари фуқароларига икки томонлама муносабатларни ривожлантириш, халқлар ўртасида тинчлик, дўстлик ва ҳамкорликни мустаҳкамлашга қўшган ҳиссаси учун берилади.
«Айни пайтда Қозоғистон ва Ўзбекистон ўртасидаги икки томонлама алоқалар жадал ривожланиб бормоқда, уларнинг асосий платформаси савдо-иқтисодий ва сармоявий ҳамкорлик, шунингдек, саноат кооперацияси ва транспорт соҳасидаги ўзаро ҳамкорликдир. Икки томонлама муносабатларнинг ҳозирги динамикаси икки қардош халқлар ўртасида ривожланган муносабатларнинг юқори даражасига тўғри келади.
Икки мамлакат ўртасидаги алоқаларни ҳар томонлама мустаҳкамлаш ва ўзаро алоқаларни ривожлантиришдаги хизматлари учун Ўзбекистон бош вазири Абдулла Ариповни юқори мукофот билан тақдирлангани қўшни қардош халқнинг Ўзбекистонга бўлган ҳурмат белгисидир», — дейилади хабарда.
Аввалроқ Президент Шавкат Мирзиёев фармони билан 24 май куни 60 ёшни қаршилаган Ўзбекистон бош вазири Абдулла Орипов «Фидокорона хизматлари учун» ордени билан мукофотлангани тўғрисида хабар берилганди.
Мавзуга доир:
- Шавкат Мирзиёев Москва давлат халқаро муносабатлар институти ректорини «Дўстлик» ордени билан мукофотлади
- Шавкат Мирзиёев Европа тикланиш ва тараққиёт банкининг собиқ президентини «Дўстлик» ордени билан мукофотлади
- Шавкат Мирзиёев Россия ташқи ишлар вазири Сергей Лавровни «Дўстлик» ордени билан мукофотлади
Изоҳ (0)