Тошкент вилоятидаги Келес кўприги орқали автотранспорт воситаларининг ҳаракатланиши вақтинча тўхтатилди, деб хабар беради «Халқ сўзи Online».
4Р-4 Тошкент шаҳри—Келес шаҳри–Қозоқкентсой қишлоғи–М39 автомобиль йўли (820 километр) Сариёғоч қишлоғи шохобча автомобиль йўлида олиб борилаётган реконструкция ишлари муносабати билан Келес йўли кўчаси ҳамда Юқори Кўктерак кўчаларини боғловчи йўл ўтказгичда 23 май куни соат 11:00 дан таъмирлаш ишлари якунлангунига қадар транспорт воситалари ҳаракати вақтинчалик тўлиқ тўхтатилди.
Ушбу йўналишдан фойдаланадиган автомототранспорт воситаларининг ҳаракати вақтинчалик туманнинг Ҳасанбой қишлоғи ҳудудидан ўтган 4Н-699 ва 4К-702 автомобиль йўли орқали ташкил этилди.
Аввалроқ Тошкентдаги Аҳмад Дониш кўчасининг бир қисми 18 майдан бир ярим ойга ёпилиши тўғрисида хабар берилганди.
Изоҳ (0)