Жанубий Кореянинг Samsung компанияси ўрта бюджетли смартфони — Galaxy F52’ни тақдим этди, деб хабар беради «Afisha.uz».
Янги қурилма Full HD+ сифат ҳамда 120 герцли янгиланиш частотасини қўллаб-қувватлайдиган 6,6 дюймли TFT-экран билан жиҳозланган. Олд панелнинг ўнг бурчагидаги қирқимда 16 мегапикселли фронтал камера жойлашган, бармоқ изи сканери эса қувватлантириш тугмасида.
Смартфоннинг асосий камералари тўртта: иккита фойдали модуль — 64 мегапикселли асосий датчик ва 8 мегапикселли кенг бурчакли, шунингдек, ҳар бири 2 мегапикселлдан бўлган иккита қўшимча датчик.
Galaxy F52 ичига Snapdragon 750G процессори, 8 гигабайт тезкор ва 128 гигабайт ички хотира ўрнатилган. Ички хотирани microSD ёрдамида 1 терабайтгача кўтариш мумкин. Аккумулятор сиғими 4500 мА/соат, 25 ваттли тезкор қувватланиш функциясига эга.
Хитойда Samsung Galaxy F52 оқ ва қора рангларда 310 доллар нархида сотувга чиқади.
Аввалроқ Samsung Galaxy S20 ва Note20 худди Galaxy S21’даги каби янги суратга олиш функциясига эга бўлгани, Samsung Galaxy S22 200 мегапикселли камерага эга биринчи смартфонга айлангани тўғрисида хабар берилганди.
Изоҳ (0)