Узоқ вақтлардан буён Халқаро Олимпиа Қўмитаси билан ҳамкорлик қилиб келаётган Samsung компанияси Galaxy S21 5G Olympic Edition смартфонини тақдим этди, деб хабар беради IXBT.
Ўтган йили тақдим этилган Samsung Galaxy S20+ Olympic Edition смартфонининг ортқа панелига Tokyo 2020 логотипи туширилган эди, бироқ жорий йилда компания эҳтиёткорроқ бўлмоқда: Galaxy S21 5G Olympic Edition смартфони фақат бешта ҳалқадан иборат логотипга эга бўлган. Ўтказиладиган Олимпиада ҳақида телефонда бирор белги йўқ.
2020 йилнинг 24 мартида Халқаро Олимпиа Қўмитаси коронавирус пандемияси сабаб Олимпиада ўйинлари 2021 йилга кечиктирилганини эълон қилганди. Ўйинлар жорий йилда ҳам ўтказилиши ҳали аниқ эмаслигини Samsung’нинг ўз смартфони дизайни орқали ҳам тушиниш мумкин.
Мазкур смартфонлар Японияда NТТ Docomo оператори томонидан сотилади ва улар Олимпиада ҳалқаларига эга ўзига хос «обой»га эга бўлган. Қурилманинг стандарт Galaxy s21 5G’дан ягона фарқи шу.
Ҳозирча смартфон қачон сотувга чиқиши ва унинг нархи ошкор этилмаган.
Аввалроқ Япония компанияларининг ярмидан кўпи 2021 йилги Олимпиада ўйинларига қарши эканини билдирган эди.
Изоҳ (0)