Samsung kompaniyasi o‘z ma’lumotlarining xavfsizligidan xavotirlanadigan insonlar uchun o‘zining yangi smartfonini taqdim etdi, deb xabar beradi Hi-Tech.Mail.ru.

Foto: Hi-Tech.Mail.ru

Galaxy Quantum 2 boshqa modellardan maxsus QRNG kvant chipining borligi bilan ajralib turadi. U qurilmaning platasiga qotirilgan bo‘lib, shifrlashdagi tasodifiy sonlar generatsiyasining to‘liq ishlashiga javob beradi — bu smartfonlardagi ma’lumotlarni jiddiy himoyalashni ta’minlaydi. O‘zgalar biror usul bilan smartfonni qo‘lga kiritganda ham ular shifrlash kalitini baribir topa olmaydi.

Mish-mishlarga ko‘ra, Galaxy Quantum 2 asosini hali e’lon qilinmagan Galaxy A82 modeli tashkil etadi. Smartfonga Full HD+ sifatni qo‘llab-quvvatlaydigan va 120 gerts yangilanish chastotasiga ega AMOLED-displey o‘rnatilgan, protsessori — Snapdragon 855+, akkumulyator sig‘imi esa 4500 mA/soatni tashkil etadi.

Kvant smartfonining birinchi versiyasi kabi Galaxy Quantum 2 ham faqat Janubiy Koreyada sotuvga chiqadi. Uning narxi 600 AQSh dollarini tashkil etadi.

Aftidan, kompaniya hozircha kvant himoyani tajribadan o‘tkazmoqda va uning o‘rtacha statistik xaridorga kerak yoki kerakmasligini tekshiryapti. Keyinroq uni qolgan modellarda ham joriy etish bo‘yicha qaror qabul qilishi mumkin.