Huawei компанияси 19 май куни Smart Life конференциясини ўтказиб, унда бир нечта маҳсулотлари, жумладан, болалар учун мўлжалланган Huawei Children’s Watch 4Х New Shinning Edition «ақлли» соатини тақдим этди, деб хабар беради IXBT.
Соатлар ёрқин дизайн ва тўқилган тасмага эга бўлган. Қурилманинг ўзига хослиги иккита камерага эгалигида: 5 мегапикселли фронтал ва ён томонидан жойлашган 8 мегапикселли асосий.
Камерадан суратга олишда, секинлаштирилган видеоларни ёзишда, шунингдек, ўз эгасининг юзини танишда фойдаланиш мумкин. Бундан ташқари, қурилма видеоқўнғироқларни ҳам қўллаб-қувватлайди, бу эса ота-оналарга ўз фарзанди қаерда эканлигини назорат қилишга ёрдам беради.
Соатлар намликдан ҳимояланган (5 АТМ), уни таққан ҳолда сузиш вақтида суратга олиш ёки видеоролик ёзиш мумкин. Huawei Children’s Watch 4Х New Shinning Edition’га ўрнатилган аккумулятор сиғими 800 мА/соатни ташкил этади, тезкор қувватланиш функциясига эга (20 дақиқада 50 фоиз).
Қурилма контактсиз тўловлар учун NFC модули ҳамда Xiaodu 3.0 овозли ёрдамчисига эга. Хитойда соатлар China Mobile, China Unicom ва China Telecom мобил тармоқларни қўллаб-қувватлайди.
«Ақлли» Huawei Children’s Watch 4Х New Shinning Edition 1 июндан 215 доллар қийматида сотувга чиқади.
Изоҳ (0)