Xiaomi компанияси ҳозирга қадар бутун дунё бўйлаб Redmi Note сериясидаги смартфонларнинг 200 миллиондан ортиқ моделини сотганини маълум қилди. Смартфонларнинг турли авлодлари савдоси бўйича алоҳида маълумотлар келтирилмаган, деб хабар беради IXBT.
2020 йилнинг ноябрида компания Redmi Note серияси савдолари 140 миллион донадан ошганини маълум қилганди. Бундан келиб чиқадики, ярим йил ичида Xiaomi яна 60 миллион смартфон сотган — ойига 10 миллион донадан.
Xiaomi’нинг ҳисоблашича, Redmi Note сериясининг бу қадар оммалашишига бренднинг энг яхши технологияларга эга маҳсулотларни ҳамёнбоп нархларда таклиф этиш борасидаги стратегияси сабаб бўлмоқда.
Redmi Note серияси 2014 йилдан буён бозорда. 2019 йилда Redmi Note 7 сериясини тақдим этиш вақтида Redmi алоҳида мустақил брендга айлангани эълон қилинганди. 26 май куни янги Redmi Note 10 смартфонлари тақдим этилади.
Xiaomi сўнгги йилларда сезиларли даражада ўсишни амалга оширди ва ҳозирда Хитой компанияси дунё бўйлаб энг кўп смартфон сотадиганлар қаторида Samsung ва Apple’дан кейинги ўринни эгаллаган.
Маълумот учун, 2021 йилнинг дастлабки уч ойи ичида бутун дунё бўйлаб Жанубий Кореянинг Samsung компанияси энг кўп смартфон сотишга муваффақ бўлган — 77 миллион дона (бу бозорнинг 23 фоизи демак).
Изоҳ (0)