Интернетда Google Pixel 6 Pro’нинг сифатли рендерлари пайдо бўлди. Ўзгаришлар у қадар катта эмас, бироқ камерага боғлиқ ўзгариш мавжуд. Шу билан бирга, бу сафар манба қурилмага оид батафсил техник тавсифларни келтириб ўтган, деб хабар беради IXBT.
Янги рендерлар Pixel 6 Pro перископ модулли камерага эга бўлиши мумкинлиги ҳақида тарқалган миш-мишлар асосида яратилган. Бу сафар модуль аниқ визуаллаштирилган — у қатордаги учинчи. Шунингдек, смартфонга 50 мегапикселли асосий ҳамда кенг бурчакли объективга эга қўшимча камера ўрнатилиши айтилмоқда.
Камерaлар блокининг орқа панелдан қанчалик бўртиб чиқиши ниҳоят маълум бўлди: смартфон қалинлиги 8,9 миллиметрни ташкил этадиган бўлса, камералар блоки ҳисобга олинганда унинг эни 11,5 миллиметрга етади. Яъни у 2,6 миллиметр ташқарига чиқиб туради. Смартфоннинг бўйи ва эни мос равишда 163,9 ҳамда 75,8 миллиметрни ташкил этади.
Google Pixel 6 Pro’га бармоқ изи сканерига эга 6,67 дюймли AMOLED экран ўрнатилади. Бундан ташқари, қурилма конфигурациясида стереодинамиклар ва симсиз қувватлантиргич бор. Дастлабки маълумотларга кўра, Pixel 6 линейкасидаги смартфонлар, шунингдек, UWB ҳамда Google томонидан яратилган бир кристалли тизимга эга бўлади. Pixel 6 ва Pixel 6 Pro премьераси шу йилнинг кузига мўлжалланган.
Сендерлар муаллифи OnLEaks ники остида танилган Стив Хеммерстоффес исмли ишончли инсайдер ҳисобланади.
Изоҳ (0)