Xiaomi ўзининг Poco бренди остида янги М3 Pro смартфонини тақдим этди. Аппарат 5G алоқа тармоғини қўллаб-қувватлайди ва бунга қадар Xiaomi смартфонларида дуч келинмаган ноёб дизайнга эга бўлган, деб хабар беради «Afisha.uz».
Янги моделнинг дисплейи — 90 герцли янгиланиш частотаси ва Full HD+ сифатга эга 6,5 дюйм IPS экран. Бармоқ изи сканери смартфонни ўчириб-ёқиш тугмасига жойлаштирилган, 8 мегапикселли камера эса дисплей қирқимига жойлаштирилган. Асосий камераси учта: 48 мегапикселли асосий модуль ва иккита қўшимча 2 мегапиксел.
Смартфон ичига MediaTek Dimensity 700 процессори, 4/6 гигабайт тезкор ва 64/128 гигабайт ички хотира ўрнатилган. Аккумулятор сиғими 5000 мА/соатни ташкил этади ва 18 ваттли тезкор қувватланиш функциясига эга. Тақдимотда смартфон икки кунгача автоном режимда ишлай олиши эълон қилинган.
- 4/64 гигабайт — 218 доллар;
- 6/128 гигабайт — 242 доллар.
Айрим бозорларда илк харидорлар учун 24 доллар миқдорида чегирмалар мавжуд.
Аввалроқ Ҳиндистонда Poco М3 смартфонидан бир кунда 150 минг дона сотилгани тўғрисида хабар берилганди.
Изоҳ (0)