Дунё ва Ўзбекистонда 3 май куни олинган қизиқарли суратларни намойиш қиламиз.

Дизайнер Артуро Риос томонидан тақдим этилган бош кийимида Кентукки штатидаги от пойгаларини томоша қилиш учун келган калифорниялик аёл.

Фото: Reuters

Тошкентдаги умумий овқатланиш жойларидан бирида ифторлик учун тайёрлаб қўйилган егуликлар.

Фото: «Дарё» / Мусулмонбек Иброҳимов

Канададаги Фраер дарёсидан ўлжа овлаётган қирғий.

Фото: Solent News

Бангладешдаги дарёда балиқчилар сув ўтлари орасидан ўтиб бормоқда.

Фото: Solent News

Ўзбекистон соғлиқни сақлаш вазири ўринбосари Баҳодир Юсупалиев ўзбек—хитой вакцинаси билан эмланди. Ўзбекистонда вирусга қарши эмланган фуқаролар сони 856 016 нафарга етди.

Фото: Соғлиқни сақлаш вазирлиги

Бельгия осмонида қуёш атрофида ҳосил бўлган ҳалқа шаклидаги атмосфера ҳодисаси.

Фото: Shutterstock

Туман қоплаган кўрфазда турган сёрфингчи. Австралияда дам олиш кунидаги жазирамадан кейин Марубра пляжини кучли туман қоплади.

Фото: Getty Images

Камида 34 Қирғизистон фуқароси ҳалок бўлган чегара тўқнашувидан сўнг Тожикистон билан чегара яқинидаги қишлоқ орқали буюмларини олиб ўтаётган эркак.

Фото: Getty Images

Швециянинг Сегерстад денгиз қирғоғи ёнида қуруқликка чиқиб қолган букри китнинг жасади олиб кетилмоқда.

Фото: Getty Images

Туркияда Бэтмен костюмидаги таксичи Умар пандемия пайтида маҳаллий қаҳрамонга айланди. У бу вақтда қарияларга озиқ-овқат, болаларга эса совғалар тарқатди.

Фото: Getty Images

Мексика мухолифати — Сапатиста миллий озодлик армияси делегацияси 30 та турли мамлакатдаги капитализмга қарши гуруҳлар билан учрашиш учун Европага кетганидан сўнг Зокало майдонига қўйиб чиқилган қоғоз қайиқлар.

Фото: Getty Images

Италиядаги «Марио Савериё Коззоли» стадионида бўлиб ўтган Миллий чемпионатда 10 000 метрга югираётган спортчилар.

Фото: Shutterstock

«Олд Траффорд» стадиони яқинидаги Unity Trinity ҳайкали олдида «Манчестер Юнайтед» футбол клуби эгаларига қарши норозилик намойиши ўтказаётган мухлислар.

Фото: Getty Images

3 май куни Ватиканда очилган Рафаэл Сантининг суратини томоша қилаётган сайёҳлар.

Фото: AP Photo

Хитойдаги замонавий қишлоқ хўжалиги боғидаги кактус.

Фото: Shutterstock

Брюсселдаги Bois de la Cambre боғига йиғилган одамлар коронавирус сабаб жорий қилинган чекловларни бузгани учун махсус сув отар қуроллар билан «жазоланмоқда».

Фото: Reuters

Дакка шаҳри чеккасидаги Бирулия даласидан йиғиб олинган гуручни қуритаётган аёл.

Фото: Reuters

Санкт-Петербургдаги Пётр ва Пол собори устида 2020 йилги УЕФА Европа футбол чемпионати логотипи шаклини ҳосил қилган дронлар.

Фото: Reuters

Хитойнинг Ухань шаҳридаги Меҳнат куни байрамида бўлиб ўтган концертда Strawberry рок гуруҳининг чиқишини томоша қилаётган мухлислар.

Фото: Reuters

Бангкокда ҳибсга олинган намойиш раҳбарларини озод қилиш ва Жиноят кодексининг 112-моддасини (қирол, малика ёки валиаҳдни обрўсизлантириш, ҳақорат қилиш ёки уларга таҳдид қилиш) бекор қилишни талаб қилган намойишчилар қамоқдаги сафдошлари суратини кўтариб турибди.

Фото: Reuters

Испанияда Мадрид минтақавий ҳукумати раҳбари ва Халқ партияси номзоди Исабель Диаз Аюсо Мадрид минтақавий сайловлари олдидан сайловолди ташвиқот йиғилишида иштирок этмоқда.

Фото: Reuters