Ўзбекистон Гидрометеорология хизмати маркази («Ўзгидромет») раҳбарига икки ўринбосар тайинланди, деб хабар қилди Адлия вазирлиги матбуот хизмати.
Ушбу лавозимларга Ибратжон Каримов ва Фируз Сафаров тайинланди.
«Gazeta.uz»нинг хабар қилишича, Ибратжон Каримов илгари Экология ва атроф-муҳитни муҳофаза қилиш давлат қўмитаси раисининг ўринбосари бўлиб ишлаган.
Фируз Сафаров апрель ойида «Ўзгидромет»нинг модернизация ва инновацияларни амалга ошириш бошқармаси бошлиғи этиб тайинланганди.
Бундан аввал Тошкент вилояти ҳокимига, Андижон вилояти ҳокимига, Навоий вилояти ҳокимига, Қашқадарё ҳокимига ҳамда Тошкент шаҳар ҳокимига янги ўринбосарлар тайинлангани ҳақида хабар берилганди.
Изоҳ (0)