Яқин кунларда Ўзбекистонга Европада хавфсизлик ва ҳамкорлик ташкилоти (ЕХҲТ )нинг Демократик институтлар ва инсон ҳуқуқлари бўйича бюроси (ДИИҲБ)нинг президент сайловларига оид илк миссияси келади. Бу ҳақда Президент матбуот котиби Шерзод Асадов 3 май, душанба куни ўтказилган брифингда сўз юритди, дея хабар бермоқда «Дарё» мухбири.
«30 апрель куни давлатимиз раҳбари Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси директори Маттео Мекаччи бошчилигидаги делегацияни қабул қилди. Бу Маттео Мекаччининг бюро директори сифатидаги илк хорижий сафарларидан бири, Мустақил Давлатлар Ҳамдўстлиги мамлакатларига эса биринчи ташрифи бўлди.
Яна бир нарсага эътиборингизни қаратишни истардим: охирги ойда ҳурматли Президентимиз ЕХҲТнинг иккинчи нуфузли вакили билан учрашмоқда. 14 апрель куни Европада хавфсизлик ва ҳамкорлик ташкилотининг амалдаги раиси Анн Линде билан учрашув бўлган эди. Бу ҳам Ўзбекистондаги демократик ислоҳотларга жаҳон ҳамжамияти катта қизиқиш билан қараётганидан далолат.
Бундан ташқари, яқин ҳафталар ичида юртимизга Демократик институтлар ва инсон ҳуқуқлари бўйича бюронинг сайловларга оид дастлабки миссияси келиши кутилмоқда», — деди Асадов.
Мавзуга доир:
- Шавкат Мирзиёев ЕХҲТ амалдаги раиси, Швеция ташқи ишлар вазири Анн Линде бошчилигидаги делегацияни қабул қилди
- ЕХҲТнинг Ўзбекистондаги лойиҳалари координатори ўзгарди
- «Сайловлар бўйича бизга холисона баҳо керак» — Шавкат Мирзиёев
- Шавкат Мирзиёев ЕХҲТ Демократик институтлар ва инсон ҳуқуқлари бўйича бюроси директорини қабул қилди
Изоҳ (0)