Hafta davomida kameraga muhrlangan qiziqarli suratlarni namoyish qilamiz.

Toshkent mahalliy aviaqatnovlar aeroportida kun botish vaqti.

Foto: “Daryo” / Madina Nurman

Portugaliyaning Aroka munitsipalitetida joylashgan dunyodagi eng uzun piyodalar osma ko‘prigi. Uning uzunligi 516 metr, kengligi 1,2 metrga teng. Ko‘prik Paiva daryosi ustida 175 metr balandlikda joylashgan. Ko‘prikdan o‘tish uchun taxminan 10 daqiqa sarflanadi. Ko‘prik 3-may kuni ochiladi.

Foto: Getty Images

Germaniyaning Shlezvig-Golshteyndagi kemalar turish joyi chekkasida olishayotgan chag‘alaylar.

Foto: Getty Images

Shavkat Mirziyoyev 29-aprel kuni Gurbanguli Berdimuhamedov va ikki mamlakat muftiylari hamrohligida “Turkmanboshi ruhi” masjidiga tashrif buyurdi. Shundan so‘ng turkmanistonlik hamkasbi bilan masjid yaqinida iftorlik qildi.

Foto: Prezident matbuot xizmati

Mavzuga doir: Shavkat Mirziyoyev Qibrayda barpo etilayotgan bog‘ hududiga tashrif buyurdi. Bog‘ga “Yangi O‘zbekiston” nomi berildi

Yulduzlarga to‘la osmon fonida lava chiqarayotgan Indoneziyadagi Merapi vulqoni.

Foto: Getty Images

Mavzuga doir: Indoneziyada Merapi vulqonidan lava daryosi oqdi (foto)

Toshkent shahridagi Navro‘z bog‘ining yuqoridan ko‘rinishi.

Foto: “Daryo” / Dilshod Sharipov

Xitoy shahri bo‘lmish Saniyadagi okeanariumda “Eng ko‘p suv parisi ishtirok etgan shou” sifatida Ginnes rekordlari kitobiga kiritilgan namoyish.

Foto: Getty Images

1-may — Favvoralar kuni munosabati bilan Toshkent shahrining Mustaqillik maydonidagi favvora o‘z ishini qayta tikladi. Suratda ushbu favvora oldida yurgan ota-bola.

Foto: “Daryo” / Madina Nurman

Mavzuga doir: Mustaqillik maydonidagi deyarli 2 yil ishlamagan favvoraning qayta ishga tushirilishi — suratlarda

Shimoliy Makedoniya to‘lin oyi ostida turgan laylak.

Foto: EPA

Toshkentdagi “Shayx Zayniddin” (Ko‘kcha) masjidiga tarovih namozini o‘qish uchun yig‘ilgan musulmonlar.

Foto: “Daryo” / Muhammadamin Toshkandiy

Vyetnamdagi San Chi etnik guruhi ayollari futbol uchrashuvi o‘tkazmoqda.

Foto: EPA

Toshkentda tig‘iz paytdagi avtomobillar oqimi.

Foto: “Daryo” / Madina Nurman

Isfahon shahrida joylashgan fermadagi ot.

Foto: Getty Images

Hindistonning Bardhaman shahridagi ko‘cha aktyorlari.

Foto: Getty Images

Melburnda o‘tkazilayotgan ANZAK (Avstraliya va Yangi Zelandiya armiyasi korpusi) kunida urushda halok bo‘lganlar xotirlanyapti. Ushbu kun 25-aprel kuni ikki mamlakatda ham nishonlanib, barcha urush, mojaro va tinchlikparvarlik operatsiyalarida xizmat qilgan va vafot etganlar yodga olinadi.

Foto: Getty Images

Shveysariyaning Sion shahrida yosh syorfingchi sun’iy ravishda hosil qilingan to‘lqinda mashq qilmoqda.

Foto: EPA

Radioaktivlik belgisi tushirilgan qora kiyim va niqob kiygan ayollar Belarus poytaxti Minsk shahrida Chernobil fojiasining 35 yilligi munosabati bilan qurbonlarni xotirlash uchun yurish tashkil qildi.

Foto: AFP

Mavzuga doir: Ukraina Chernobil AESdagi avariyaga oid maxfiy hujjatlarni e’lon qildi

Buyuk Britaniyaning Amsberi shahri yaqinidagi Stounhenj tosh yodgorligi oldida, to‘lin oy ostida o‘tlab yurgan qo‘ylar.

Foto: Reuters

“Nomadland” (“Ko‘chmanchilar o‘lkasi”) filmi uchun “Oskar” mukofotining eng yaxshi filmi sovrindori, rejissor va prodyuser Xloya Chjao Los-Anjelesdagi matbuot zalida suratga tushmoqda.

Foto: Reuters

Mavzuga doir: Xitoy OAVlariga “Oskar”ni qo‘lga kiritgan rejissor Xloya Chjao haqida yozish taqiqlab qo‘yildi. U ilgari Xitoyni tanqid qilgan edi

Katmandu shahridagi koronavirus oqibatida vafot etganlarni yoqish uchun mo‘ljallangan krematoriyda qarindoshining kulini olayotgan odamlar.

Foto: Reuters

Rossiyalik harbiylar Sankt-Peterburgdagi G‘alaba kuni harbiy paradining mashqlarida qatnashmoqda. Rossiya 9-may kuni fashistlar Germaniyasi ustidan qozonilgan g‘alabaning 76 yilligini nishonlaydi.

Foto: AFP

Katmandudagi devorga chizilgan boyqush surati oldidan o‘tib ketayotgan nepallik ayol. COVID-19 bilan kasallanish soni ko‘payishi ortidan Nepal hukumati Katmandu vodiysida 29-apreldan boshlab karantin cheklovlarini joriy etishga qaror qildi.

Foto: EPA

21-aprel kuni Bali yaqinidagi o‘quv mashg‘ulotlarda KRI Nanggala 402 suvosti kemasida cho‘kib, halok bo‘lgan harbiyning ayoliga tasalli berilmoqda.

Foto: AFP

Mavzuga doir: Indoneziyada cho‘kib ketgan suvosti kemasining ekipaji halokatdan oldin ta’sirli video yozib qoldirdi (video)

Shveysariyaning Bazel shahrida erkaklar o‘rtasida sport gimnastikasi bo‘yicha Yevropa chempionati final bosqichida qatnashayotgan yunon sportchisining chiqishi.

Foto: EPA

Avvalgi kunlarning fotogalereyalari: