Украинада дарвозаси пайвандлаб ташланган гараждан мутлақо янги «Запорожец» топилди. Машина деярли 30 йил ҳаракатсиз турган — «ЗАЗ-968М»дан сўнгги бор 1990 йилларда фойдаланилган. Автомобиль бетон полли қуруқ бинода сақлангани сабаб унда занглаш аломатлари йўқ — кузов ва салони яхши ҳолатда, деб ёзади Motor.
1991 йилда ишлаб чиқарилган «ЗАЗ-968М»ни блогер Roma Urraco топишга муваффақ бўлган. Гап сўнгги моделлардан бири ҳақида кетмоқда, бироқ икки эшикли машина совет даврига оид ҳужжатларни олишга улгурган.
«Запорожец»га имконияти чекланган фуқаро эгалик қилган бўлиб, «ЗАЗ-968»нинг махсус модификацияси иккита рул тепки ва рулида акселаратор билан жиҳозланган. Автомобильда қўлда бошқариш учун иккита ричаклар жамланмаси мавжуд. Машина капоти остида 41 от кучига эга 1,2 литрли V4 карбюратор двигатели ўрин олган, одометрида 74,4 километр йўл босгани кўрсатилган.
«ЗАЗ» линейкасидаги 968 моделлари жуда ноёб ҳисобланмайди, чунки унинг миллиондан ортиқ турли модификациялари 33 йил давомида конвейердан чиққан.
Аввалроқ Россияда идеал ҳолатдаги 44 йиллик «Запорожец» янги Chevrolet Cobalt нархида сотувга қўйилган эди.
Изоҳ (0)