Ukrainada darvozasi payvandlab tashlangan garajdan mutlaqo yangi “Zaporojets” topildi. Mashina deyarli 30 yil harakatsiz turgan — “ZAZ-968M”dan so‘nggi bor 1990-yillarda foydalanilgan. Avtomobil beton polli quruq binoda saqlangani sabab unda zanglash alomatlari yo‘q — kuzov va saloni yaxshi holatda, deb yozadi Motor.
1991-yilda ishlab chiqarilgan “ZAZ-968M”ni bloger Roma Urraco topishga muvaffaq bo‘lgan. Gap so‘nggi modellardan biri haqida ketmoqda, biroq ikki eshikli mashina sovet davriga oid hujjatlarni olishga ulgurgan.
“Zaporojets”ga imkoniyati cheklangan fuqaro egalik qilgan bo‘lib, “ZAZ-968”ning maxsus modifikatsiyasi ikkita rul tepki va rulida akselarator bilan jihozlangan. Avtomobilda qo‘lda boshqarish uchun ikkita richaklar jamlanmasi mavjud. Mashina kapoti ostida 41 ot kuchiga ega 1,2 litrli V4 karbyurator dvigateli o‘rin olgan, odometrida 74,4 kilometr yo‘l bosgani ko‘rsatilgan.
“ZAZ” lineykasidagi 968 modellari juda noyob hisoblanmaydi, chunki uning milliondan ortiq turli modifikatsiyalari 33 yil davomida konveyerdan chiqqan.
Avvalroq Rossiyada ideal holatdagi 44 yillik “Zaporojets” yangi Chevrolet Cobalt narxida sotuvga qo‘yilgan edi.
Izoh (0)