Фарғона вилоятининг Марғилон шаҳрида йўлни белгиланмаган қисмидан кесиб ўтаётган велосипедчини Lacetti уриб юборди. Бу ҳақда вилоят ИИБ ахборот хизмати хабар берди.
Воқеа 9 апрель куни соат 17:30 ларда юз берган. 1990 йилда туғилган фуқаро бошқарувидаги Lacetti русумли автомашина йўлни белгиланмаган қисмидан кесиб ўтаётган 2009 йилда туғилган велосипедчини уриб юборган. Оқибатда велосипедчи шифохонада вафот этган.
Маълумотга кўра, ЙТҲ содир бўлган автомобиль йўли 8 апрель куни кечки вақт мутасадди ташкилотлар томонидан тўлиқ таъмирлангандан кейин топширилган бўлган. Лекин автомобиль йўли жиҳозланмаган ва йўл белгилари чизилмаган ҳолатда фойдаланишга топширилган.
Эслатиб ўтамиз, 8 апрель куни Фарғона вилоятининг Данғара туманида Lacetti йўлнинг қатнов қисмини кесиб ўтаётган велосипедчини уриб юборган, оқибатда у тан жароҳати олиб, шифохонада вафот этганди.
Изоҳ (0)