Тошкент шаҳри Яккасарой туманида Lacetti, Matiz, Spark ва автобус иштирокида йўл-транспорт ҳодисаси содир бўлди, дея хабар қилмоқда шаҳар ИИББ.
Қайд этилишича, 2021 йил 7 апрель куни соат 09:45 да Яккасарой тумани Катта Миробод кўчасида 28 ёшли самарқандлик А.И. Lacetti русумли автомобилни Шароф Рашидов кўчаси бўйлаб бошқариш давомида бошқарувни йўқотиб, Катта Миробод ва Шота Руставели кўчалари кесишмасида светофорнинг тақиқловчи белгисига тўхтаган 35 ёшли Ш.Ш. бошқарувидаги Spark ва 24 ёшли А.К. бошқарувидаги Matiz билан тўқнашган.
Шундан сўнг Lacetti бетон устунга бориб урилади. Зарбадан Matiz ағдарилиб, қаршисида турган 30 ёшли Б.Т. бошқарувидаги Isuzu русумли йўловчи автобусига тўқнашган. ЙТҲ сабабларига аниқлик киритилмоқда.
ЙТҲ натижасида автобус йўловчиларига зарар етмади. Lacetti автомобили ва Spark автомобили йўловчиси бадан шикастлари билан шифохонага етказилган.
Мазкур факт бўйича Тошкент шаҳар ИИББ томонидан терговолди текшируви ўтказилмоқда.
Бундан аввал Навоийда Isuzu йўлнинг қатнов қисмига маст ҳолда чиқиб кетган пиёдани уриб юборгани, Тошкентда бешта автомобиль иштирокида ЙТҲ содир бўлгани ҳамда Андижонда тўртта автомобиль иштирокида ЙТҲ содир бўлгани ҳақида хабар берилганди.
Изоҳ (0)