Бугун,

  • USD 11095.31
  • RUB 173.84
  • EUR 10772.44

Тошкент вилояти ҳокими вазифасини бажарувчи Даврон Ҳидоятов бир ҳафта ичида вилоят, шаҳар ва туманлар ҳокимликлари электрон ҳужжат айланиш тизимига тўлиқ ўтказилишини маълум қилди. Бу ҳақда «Дарё»га вилоят ҳокимлиги матбуот хизмати хабар берди.

Фото: «Дарё»

Фото: «Дарё»

Маълум қилинишича, Даврон Ҳидоятов 15 февраль, душанба куни Тошкент вилояти ҳокимлигида ўтказилган навбатдаги йиғилишда вилоятдаги барча раҳбарларга, маҳаллий ҳокимлик, бошқарма, корхона ва ташкилотларга иккита янги топшириқ берди:

  • бир ҳафта муддатда Тошкент вилояти ҳокимлиги, шаҳар ва туманлар ҳокимликлари электрон ҳужжат айланиш тизимига тўлиқ ўтказилади. Қоғозбозлик максимал даражада камайтирилади;
  • икки йил ичида вилоятда боғча ёшидаги болаларнинг мактабгача таълимга қамраб олиниши 100 фоизга етказилиши бўйича чора-тадбирлар кўрилади.
Йиғилишда биринчи чорак якуни билан инвестиция бўйича белгиланган режаларнинг бажарилиши эҳтимоллиги бўлган ҳудудлар — Бўка, Бўстонлиқ, Пискент, Оҳангарон туманлари ва Ангрен, Оҳангарон шаҳарларидаги вазият танқидий таҳлил қилинди. Даврон Ҳидоятов бу туманларнинг ҳокимларига вазиятни ўнглаш бўйича ҳам аниқ топшириқлар берган.

Вилоятда 2020 йилда жами 177 та ижтимоий соҳа объекти учун 2 триллион 168 миллион сўм ажратилган. Хусусан, вилоят ҳокимлиги буюртмачилигида 69 та объект учун 607 миллиард 118 миллион сўм, вазирлик ва идоралар буюртмачилигида 108 та объект учун 1 триллион 409 миллион сўм ажратилган. Аммо 2020 йилда 62 та объектдан 40 таси фойдаланишга топширилган, қолган 22 та объект фойдаланишга топширилмасдан қолмоқда.

Даврон Ҳидоятов графикдан ортда қолган ҳар бир қурилиш объекти бўйича ҳуқуқ-тартибот идораларини жалб этган ҳолда, алоҳида хулоса тайёрлаб, белгиланган тартибда чора кўриш бўйича топшириқ берган.

Бундан ташқари, ёшларнинг бўш вақтини мазмунли ўтказиш, бунда давлат раҳбари илгари сурган 5 муҳим ташаббусни амалга оширишда сусткашликка йўл қўйган туман ва шаҳарларнинг ҳокимларига танбеҳ берган.

2021 йилда ёшлар билан ишлашнинг янгича тизмини жорий этиш бўйича тасдиқланган дастурлар доирасида вилоятда 13 та маданият маркази қурилиши, 9 та маданият маркази реконструкция қилиниши, 7 та маданият ва истироҳат боғи ташкил этилиши, 4 та театр фаолияти йўлга қўйилиши, (шундан, 1 та қўғирчоқ театри), 3 та маданият дам олиш маркази барпо этилиши, 5 та маданий мерос объекти таъмирланиши, Ўрта Чирчиқ туманида 1 та Болалар мусиқа ва санъат мактаби ташкил этилиши режалаштирилган.

Шунингдек, 2021 йилда вилоятда 17 та рақамли технологиялар ўқув маркази, 1 та Робототехника маркази, 8 та ахборот технологияларини чуқурлаштириб ўқитишга ихтисослаштирилган ИТ-мактаб ташкил этилиши режалаштирилган.

Бундан ташқари, Нурафшон шаҳрида Тошкент давлат ахборот технологиялари университетининг филиали ва техникуми ташкил этилиши ва сентябрь ойида ишга туширилиши белгиланган.

Аммо бугунги кунга қадар университет филиали ва техникумни барпо этиш бўйича лойиҳалар ишлаб чиқилмаган. Бу борада Нурафшон шаҳар ҳокимлиги ташаббус кўрсатиши, лойиҳа ҳужжатларини ишлаб чиқиш ва тез фурсатларда қурилиш ишларини бошлаш бўйича амалий чора-тадбирлар белгилаш лозимлиги таъкидланган.

Зангиота, Қибрай, Қуйи Чирчиқ, Ўрта Чирчиқ туманларидаги ахборот кутубхона марказларини юқори тезликдаги интернет тармоғига улаш, электрон кутубхоналар ташкил этиш бўйича чоралар кўриш зарурлиги қайд этилган.

Эслатиб ўтамиз, Даврон Ҳидоятов Президентнинг 30 январдаги фармони билан лавозимидан озод этилган Тошкент вилояти ҳокими Рустам Холматовнинг ўрнига вилоят ҳокими вазифасини бажарувчи этиб тайинланган эди. Тайинловга қадар у Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида фаолият юритган.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?