Бугун,

  • USD 11095.31
  • RUB 173.84
  • EUR 10772.44

«Росселхознадзор» 10 декабрдан Озарбайжонда етиштирилган помидор ва олмаларни Россияга олиб кирилишини тақиқлайди. Бунга ушбу маҳсулотларда зараркунандалар топилгани сабаб бўлмоқда, деб хабар беради «РБК».

Фото: «ТАСС»

Фото: «ТАСС»

Таъкидланишича, Озарбайжон Озиқ-овқат хавфсизлиги агентлигига ушбу маҳсулотларда карантин объектлари мунтазам аниқлангани тўғрисида хабар бериб келинган.

«Фақатгина 2020 йилнинг 22 октябридан ҳозирга қадар мева-сабзавотлар (помидор, олма) таркибида Евросиё иқтисодий иттифоқи карантин объектларининг ягона рўйхатига киритилган — Жанубий Америка помидор куяси ва шарқий куя бўйича 17 та ҳолат қайд этилган», — дейилади хабарда.

Озарбайжон — Россияга янги ва музлатилган помидорларни катта миқдорда етаказиб берувчи давлат ҳисобланади. 2019 йилнинг ўзида мамлакат Россияга 189,1 миллион долларлик 172,3 минг тонна помидор олиб кирган. Иккинчи энг йирик импортёр эса Туркия — 113,6 миллион долларлик 93,9 минг тонна помидор. Рўйхатнинг учинчи поғонасидан 69,4 минг тонна билан (84,1 миллион доллар) Хитой ўрин олган.

Шунингдек, 2019 йилда Озарбайжон Россияга энг кўп олма етказиб берган давлатлар учлигидан ўрин олган, жорий йилда — бешинчи ўринда.

Аввалроқ Россия томони Фарғона вилоятида етиштирилган помидор ва булғор қалампирининг олиб кирилишига вақтинчалик чеклов жорий этган эди. «Росселхознадзор»нинг аниқлик киритишича, бунга маҳсулотларда ToBRFV (tomato brown rugose fruit virus) вируси топилгани сабаб бўлган. Кейинроқ Ўзбекистондан Россияга экспорт қилинган қуритилган меваларда зарарли организм аниқлангани ҳам маълум бўлганди.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)