Бразилия ҳудудида одамнинг дориларга чидамли бўлган ва ўлимга олиб келиши мумкин бўлган Candida auris замбуруғига чалиниши билан боғлиқ илк ҳолат қайд этилди, деб ёзади «РБК» Бразилиянинг санитар назорат бўйича Anvisa ташкилотига таяниб.
Anvisa маълумотларига кўра, Candida auris биринчи марта 2009 йилда Япониядаги бир беморда аниқланган. Унинг баъзи штаммлари замбуруғга қарши дориларнинг асосий учта синфининг барчасига ҳам чидамли ҳисобланади, бу замбуруғни фақат махсус лаборатория усуллари орқали аниқлаш мумкин.
Anvisa барча соғлиқни сақлаш хизматларига замбуруғ устидан лаборатория назоратини кучайтиришни тавсия қилди.
Эслатиб ўтамиз, Ҳиндистон жанубидаги Элуру шаҳрида 5 декабрдан буён бир киши номаълум касалликдан вафот этган, яна 848 кишида шу касаллик белгилари аниқланган. Беморлар бош айланиши, бош оғриғи, тутқаноқ тутишидан шикоят қилмоқда. Ҳукумат қайд этишича, касаллик одамдан одамга юқмайди. Times of India маълумотларига кўра, заҳарли хлорорганик бирикмалар ва чивинга қарши воситалар ҳам сабабчи бўлган бўлиши мумкин. Дастлабки маълумотларга кўра, бунга заҳарланиш сабаб бўлган, у COVID-19’га алоқадор эмас.
Ноябрь ойида Сенегалда ўнлаб балиқчилар очиқ океанда номаълум касалликни юқтириб олган эди. Ўшанда Сенегалда (Ғарбий Африкада жойлашган) 200 га яқин киши номаълум касалликка чалинган, улар очиқ океанда уни юқтириб олгани тахмин қилинган эди.
Мавзуга доир:
- ОАВ: Ҳиндистонда 300 дан ортиқ киши номаълум касаллик билан шифохонага ётқизилди. Бир киши вафот этган
- Ҳиндистонда авж олган касаллик коронавирусга алоқадор эмаслиги маълум бўлди
- Сенегалда ўнлаб балиқчилар очиқ океанда номаълум касалликни юқтириб олди
- Бразилия президенти АҚШ президенти сайловларида фирибгарлик юз бергани борасида далилларга эга эканлигини айтди
- Бразилия авиакомпанияси икки авиаҳалокатдан сўнг дунёда биринчи бўлиб Boeing 737-8 МАХ самолётлари парвозини тиклади
Изоҳ (0)