Интернетда Redmi Note 9 Pro’нинг ёнган ҳолатдаги илк «жонли» сурати пайдо бўлди
Узоқ кутилган Redmi Note 9 расман шу ҳафтада тақдим этилади, бироқ анонсга қадар янги моделга оид деярли барча маълумотлар тарқалиб улгурди. Хитойнинг Weibo ижтимоий тармоғида Redmi Note 9 Pro’нинг ёнган ҳолатдаги сурати пайдо бўлди, деб хабар беради IXBT.
Redmi Note 9 Pro экранининг марказий юқори қисмидан фронтал камера учун қирқимга эга бўлган, шунингдек, ҳошиялари, айниқса, пастки қисми жуда кенг.
Компания ушбу модель 108 мегапикселли камера ўрнатиладиган Redmi’нинг илк сериясига айланиши маълум қилган. Redmi Note 8 Pro’га эса Samsung’нинг 64 мегапикселли датчиги ўрнатилган. Redmi Note 9 Pro 120 герц частотали IPS-экран, бир кристалли Snapdragon 750G процессори, шунингдек, янги камерага эга бўлади. Тахминларга кўра, гап оптик формати 1/1,52 дюйм бўлган Samsung ISOSELL HМ2’нинг 108 мегапикселли датчик ҳақида кетмоқда.
Redmi Note 9 ва Redmi Note 9 Pro’нинг расмий тақдимоти 26 ноябрь санасига мўлжалланган.
Аввалроқ янги Redmi Note 9 жаҳон бозорига Redmi Note 10 номи остида чиқиши маълум бўлганди.
Мавзуга доир: Xiaomi ёш Realme’ни тезда «ўз жойига ўтирғизиб қўйди». Хитой гиганти рақибининг рекордини янгилаган
