Telegram мессенжери ва «ВКонтакте» ижтимоий тармоғи асосчиси Павел Дуров Apple’нинг янги маҳсулоти — iPhone 12 Pro’ни танқид қилди, деб хабар беради IXBT.
Дуров Telegram’даги ўзининг расмий каналида iPhone 12 Pro борасидаги шахсий таассуротлари билан бўлишган. У янги моделни жуда баҳайбат, 2012 йилда ишлаб чиқарилган iPhone 5’нинг катта версияси, бироқ камералар блоки ва модули корпусдан бўртиб турувчи «хунук» деб атаган. Ўша «машҳур» қош, бутун қурилма майдонининг экран майдонига нисбатан камлиги асосида ҳосил қилинган кенг ҳошия ва қурилманинг умумий эскирганлиги ҳисси ҳам эътибордан четда қолмаган.
Бундан ташқари, Дуров компания Стив Жобс вафот этганига 9 йил ўтган бўлса-да «у томонидан яратилган технология ва обрў эвазига яшаб, бирор кўзга ташланарли инновацияни амалга оширмагани»ни айтиб ўтган. Шунингдек, у юқорида санаб ўтилган камчиликлар сабаб 2020 йил бошида iPhone’лар савдоси 21 фоизга тушиб кетгани ажабланарли эмаслигини таъкидлаган. «Агарда ушбу тенденция сақланиб қолса, 7—10 йилдан кейин iPhone’нинг жаҳон бозоридаги улуши у қадар катта бўлмайди», — дейди Дуров.
Мавзуга доир:
Изоҳ (0)