Samsung компаниясининг ҳамёнбоп Galaxy А02 модели ўзининг ажойиб техник тавсифи билан кўпчиликка маъқул келмоқда, деб ёзади IXBT. Аввалроқ унга сиғими 3500 мА/соатга тенг аккумулятор ўрнатилиши ҳақида гап-сўзлар тарқалган эди, бироқ сертификат ҳужжатида ёзилишича, смартфонга 5000 мА/соатли батарея ўрнатилади.
Шунингдек, бенчмаркларда Galaxy А02 смартфони Snapdragon 450 процессори ва 3 гигабайт тезкор хотирага эга бўлиши ҳақида маълумот берилган ва натижада қизиқарли ҳамёнбоп смартфон юзага келган.
Шу билан бирга, унинг қуввати 15 ваттни ташкил этади, яъни бу борада смартфон ўз номига муносиб бўлади. Қолган маълумотларга келинадиган бўлса, аппаратга 5,7 дюймли дисплей ва 13 мегапикселли камера ўрнатилади. Аммо ҳозирча ушбу маълумотлар тасдиқланмаган.
Аввалроқ Samsung флагманларга хос техник жиҳатларга эга Galaxy С20 FE моделини тақдим этгани, шунингдек, интернетда Samsung Galaxy S21’нинг илк сифатли суратлари пайдо бўлгани тўғрисида хабар берилганди.
Изоҳ (0)