DxOMark лабораторияси мутахассислари iPhone 12 Pro смартфонининг фронтал камераси устида ўтказилган синовлар бўйича хулосани тақдим этди. Унга кўра Apple флагмани 98 балл тўплаган, жумладан суратга олиш учун 101 балл ва видео учун 93 балл, деб ёзади IXBT.
Бу смартфонга энг селфи учун энг яхши моделлар қаторидан еттинчи ўринни эгаллашига ёрдам берган: Huawei Маtе 40 Pro (104 балл билан 1-ўрин), Huawei P40 Pro, Asus ZenFone 7 Pro, Samsung Galaxy S20 Ultra 5G, Huawei nova 6G ва Samsung Galaxy Note 10+ 5G. Таққослаш учун, модель iPhone 11 Pro Мах ва унинг 92 баллидан анча яхшиланган.
Таъкидланишича, умумий ҳисобда iPhone 12 Pro’нинг селфи-камераси ёмон натижа кўрсатмаган. Тасвир етарли даражада аниқ, фақат динамик диапазон доим ҳам етарли эмас. Рангларнинг узатилиши яхши, бироқ ранглар сояси пайдо бўлмоқда. Майда деталлар ҳам ёмон кўринмайди, етарлича ёритилмаган жойда эса шовқин етарлича сезиларли.
Аввалроқ DxOMark мутахассислари iPhone 12 Pro Мах’нинг асосий камералари устида ўтказилган тестларнинг батафсил ҳисоботи билан бўлишганди. Унга кўра, iPhone 12 Pro Мах флагмани Apple’нинг энг яхши «камерафон»ига айланган, бироқ у DxOMark рейтингида тўртинчи ўринни эгаллаган.
Изоҳ (0)