Oppo компанияси 17 ноябрь куни экрани кенгаядиган дунёдаги илк аппарат — Oppo Х 2021 смартфонининг концептини намойиш этди, деб хабар беради IXBT. Номидан билиш мумкинки, қурилма кейинги йили тақдим этилади, бироқ Оппўнинг ўзи бу ҳақда ҳеч қандай маълумот бермаган.
Шу билан бирга, смартфон шунчаки рендер эмас, балки прототип кўринишида намойиш этилган.
Видеодан кўриш мумкинки, бармоқ билан сенсорли панелнинг четига тегинилганда смартфон экрани кенгаяди. Жараён у қадар тез эмас ва 3 сонияга яқин вақтни олади, аммо мазкур босқичда бундан ортиқ нарсани кутиб бўлмайди.
Шунингдек, Oppo операцион тизим устида ҳам ишлаганини кўриш мумкин — экрандаги маълумотлар смартфоннинг ҳолатидан келиб чиқиб ўзгаради.
Аввалроқ Хитойнинг ТCL компанияси 6,7 дюймли экранини 4,5 дюймгача кичрайтириш мумкин бўлган смартфон прототипини намойиш этганди. Бундан ташқари, LG компанияси ҳам яқин вақтлар ичида Европа Иттифоқи ҳудудида ўзининг «рулон-экран»га эга смартфонини тақдим этиши мумкин.
Изоҳ (0)