Британиялик кўча рассоми Бэнкси шахсини ошкор қилишдан бош тортганлиги сабабли ўзининг энг таниқли асарларидан бири бўлган Flower Thrower (Гул отувчи) суратига бўлган муаллифлик ҳуқуқидан маҳрум бўлди. Расм учун муаллифлик ҳуқуқи тўғрисидаги иш икки йил давомида кўриб чиқилди. Натижада суд Бэнксига қарши қарор чиқарди, деб ёзади The Guardian.

Бэнксининг Фаластин ва Исроил ўртасидаги деворга чизган Flower Thrower (Гул отувчи) граффити

Фото: Reuters

Расм 2003 йилда Фаластинда пайдо бўлган. Рассом ўзининг  Wall and Piece китобида ёзишича, граффити устида ишлаётганда аҳоли вакилларидан бири унинг олдига келиб: «Сиз деворни безатяпсиз» (Исроил ва Фаластин ўртасидаги тўсиқ назарда тутилган) деган. Унга миннатдорлик билдирган Бенкси қуйидагича жавоб эшитган: «Биз бу девор чиройли бўлишини хоҳламаймиз. Биз бу деворни умуман хоҳламаймиз, бу ердан кетинг».

Суратда эркак киши юзини яширадиган шарф ва бейсболка кийган ҳолда тасвирланган. Бу анонимликни хуш кўрувчи Бэнксининг ўзини ифода қилади.

Граффитидаги қаҳрамон қўлидаги гулдастани гўё улоқтираётгандек тасвирланган. Унинг ўзи қора ва оқ рангда тасвирланган, гулдаста эса рангли бўёқлар билан чизилган. Бу расм тинчликка даъватни англатади.

Бэнкси ўзининг асаридан фойдаланганлиги учун Full Color Black компаниясига қарши судга мурожаат қилди.

Суд-тиббиёт экспертлари Бэнксининг муаллифлик ҳуқуқини рад этишди, чунки у ўзининг махфийлигини сақлайди ва ўз асарини алоҳида жойларга эмас, балки бировнинг мулкига чизади.

Бунгача Бэнкси африкалик муҳожирларни қутқариш учун кема сотиб олгани ҳақида хабар берилган эди. У кемани ўз суратларидан бири билан безатган.