Россия ҳукумат биноси томидаги қарғаларни қиришга 42,5 миллион рубль (565 минг доллар) ажратади. Бу ҳақда «РБК» нашри 2021 йил учун бюджет лойиҳаси билан танишган манбасига таяниб хабар берди.
Ҳужжат билан 2021 ҳамда 2022 йилларда 21,3 миллион рублдан ажратиш кўзда тутилган. Кўриладиган аниқ чоралар ҳақида ҳеч нарса дейилмаган.
Россия Қушларни қўриқлаш иттифоқи Новосибирск бўлинмаси раиси Елена Шнайдернинг сўзларига кўра, қарғаларни қўрқитишнинг энг яхши йўли — уларнинг табиатдаги душманларини, яъни лочин ва қирғийларни жалб этиш.
«Агарда улар лочин ўргатувчиларни ёллашмоқчи бўлса, бу жуда ажойиб вариант. Ушбу пуллар қарғаларни қириш эмас, балки ҳайдашга ёрдам берадиган бирор ақлли усул орқали сарфланса, бу оқилона қарор», — дейди эксперт.
Шнайдернинг сўзларига кўра, қушларни қириш тескари эффектни юзага келтириши мумкин, чунки ўлдирилган қарғалар ўрнига бошқа қушлар келади.
Изоҳ (0)