Нью-Йорк мэри Билл де Блазио ва мэриянинг 500 га яқин ходими шаҳар бюджети камомадини камайтириш учун бир иш ҳафтасида бир марта тўланмайдиган таътилга юборилади. Ушбу қарорни 16 сентябрь куни де Блазионинг ўзи эълон қилди ва у таътил пайтида ишлашда давом этишини таъкидлади, дея хабар бермоқда «РБК».
«Бу оғриқли қадам, аммо бу бизнинг бюджетни шакллантиришга масъулият билан ёндашишга содиқлигимизни тасдиқлайди», – деди шаҳар мэри.
Матбуот анжумани пайтида де Блазио Нью-Йорк шаҳри бюджети COVID-19 коронавирус пандемияси туфайли катта йўқотишларга дуч келганини маълум қилди. Шаҳар ҳокими зарарнинг умумий миқдорини 9 миллиард долларга баҳолаган, бу эса аллақачон харажатларни 7 миллиард долларга қисқартирилишига олиб келган.
CBS Нью-Йорк маълумотларига кўра, шаҳар ҳокими ва унинг ходимларига тўланадиган тўловларнинг қисқартирилиши жами 1 миллион долларни тежашга имкон беради.
«Одамлар ва уларнинг оилалари ҳафталик иш ҳақидан маҳрум бўлишини айтиш менга оғир, аммо бу мен ва улар қилиши керак бўлган иш», – деди де Блазио.
Шаҳар ҳокими бу қадам Нью-Йорк ва федерал ҳукуматни шаҳарга ёрдам беришга ишонтиришига, шунингдек, касаба уюшмалари билан давлат ишчиларининг иш ҳақини камайтириш бўйича келишувга эришишига умид қилишини айтди.
Де Блазионинг сўзларига кўра, агар бу амалга ошмаса, Нью-Йорк ҳокимияти минглаб ходимларини ишдан бўшатишга мажбур бўлади.
Изоҳ (0)