Sulton Тех Group иши бўйича чиқарилган суд қарорини муҳокама қилган Халқ депутатлари Қарши туман кенгаши тадбиркор Нурбек Эргашев раҳбарлигидаги кластернинг тумандаги мулкларини ҳудудда олиб қолишни мақсад қилган. Бу ҳақда «Дарё» мухбири билан суҳбатлашган депутат Феруза Аҳмедова маълум қилди.
Депутатнинг айтишича, Халқ депутатлари туман кенгашининг олтинчи чақириқ, ўнинчи сессиясида кластер мулкларини Қарши туманида қолдириш масаласи ҳам муҳокама қилинган.
Sulton Тех Group корхонаси раҳбари Нурбек Эргашевнинг Қарши туманида қандай мулклари борлигини билмаймиз, аммо билганимиз давлат Конституциясида мулк ҳуқуқи кафолатланган.
Эслатиб ўтамиз, Sulton Тех Group ишини кўриб чиққан Қарши туман Маъмурий суди ҳоким ва ҳокимлик мансабдорларига кластер фаолиятига аралашмаслик мажбуриятини юклаб, Silver fiber agro кооперацияси гувоҳномасини бекор қилганди.
Сессияда иштирок этган депутатлар — Феруза Аҳмедова ҳамда Дилором Тилаковаларнинг маълумот беришича, кластер мулкини тортиб олишдек эски замон сарқити муҳокама қилинган сессия ишида сенатор Абдураҳим Эркаев ҳамда туман прокурори ҳам иштирок этган.
Мавзуга доир:
- Қашқадарёда Президент ишонч билдирган кластерни тугатиш учун фермерлар бўш шартномага муҳр босиб, имзо қўйишга мажбурланмоқда
- Қашқадарёда фермерларни шартнома тузишга мажбурлаётган ташкилот кооперация бўлолмаслиги айтилди
- Қарши тумани ҳокими ўринбосари судда кластер фаолияти тўхтатилишини кластер раҳбарининг селекторда қатнашмаслиги, ҳоким телефонига жавоб бермаслиги билан изоҳлади
- Қарши туман ҳокими Мақсуда Мустафоева: «Ариповдек қуюшқондан чиқади деб ўйласангиз, менда бундай бўлмайди»
Изоҳ (0)