Ўзбекистонда аҳоли вакиллари АҚШ долларини сотиб олишдан кўра уни сотишни афзал билмоқда. Ушбу кўрсаткич Марказий банк берган маълумотларда акс этган, дейилади Spot хабарида.
2019 йил давомида ва 2020 йилнинг дастлабки икки ойида валютанинг аҳолига сотилиши унинг харид қилиниши ҳажмидан кўпроқ эди. Бироқ март ойига келиб ушбу кўрсаткичлар деярли тенглашди. Апрелда эса вазият ўзгарди.
Бунга хориждаги мигрантлардан келаётган пуллар ҳажмининг камайгани ва охирги 1,5 йил ичида энг кам кўрсаткичга етгани сабаблардан бири сифатида қайд этилган.
Шу ва бошқа омиллар аҳолининг доллар олишдан кўра уни сотишга ўтишига туртки бўлган. Март ойида доллар сотувининг ўсиши 45 фоизни ташкил қилганди, апрелнинг дастлабки 8 иш кунида бу кўрсаткич 28 фоизга тенг бўлган.
Якунда апрель ойида сўм 5,8 фоизга қадрсизланди ва 1 АҚШ долларининг қиймати 10 минг сўмдан ошиб кетди, лекин май ойига келиб вазият барқарорлашди, жумладан, пулли ўтказмаларда ўсиш кузатилиб, аҳоли яна доллар сотиб олишни бошлаган.
Изоҳ (0)