Бутун дунёда бўйлаб коронавирус билан касалланганлар сони 7 миллион кишидан ошиб кетди. Бу ҳақда касаллик тарқалишини реал вақтда кузатиб бораётган Жонс Ҳопкинс университети маълумотларида келтирилган.
Маълумотларга кўра, ҳозирга қадар 402 мингдан ортиқ одам COVID-19 қурбонига айланган.
Тошкент вақти билан соат 09:00 ҳолатига кўра, дунёда янги турдаги коронавирус инфекцияси билан касалланганлар сони 7 009 065 кишини ташкил этмоқда. Ҳозирга қадар 3 133 664 киши вирусдан соғайишга муваффақ бўлган.
Касаллар сони бўйича АҚШ дунёда биринчи ўринда кетмоқда — 1,9 миллиондан ортиқ бемор. Унинг ортидан Бразилия (691 минг) ва Россия (467 минг) ўрин олган.
Аввалроқ Бразилия мамлакатдаги коронавирусга оид муҳим статистикани эълон қилишни тўхтатгани ҳақида хабар берилганди.
Эслатиб ўтамиз, 29 майда ЖССТ коронавирус инфекциясидан вафот этган беморлар сони 350 минг нафардан ошганини маълум қилган. 26 май куни бутун дунёда коронавирус инфекцияси билан касалланганлар сони 5,5 миллиондан, 21 майда 5 миллиондан, 31 майда эса 6 миллиондан ошиб кетгани хабар қилинган эди.
Мавзуга доир:
Изоҳ (0)