Ортда қолган бир сутка ичида Россияда коронавирус инфекциясини юқтириб олиш билан боғлиқ 8984 та янги ҳолат қайд этилди. Бу ҳақда Россия федерал тезкор штаби маълум қилган.
COVID-19 эпидемияси мамлакатда бошланганидан бери жами 467 минг 673 нафар одам касалликни юқтириб олган. 6 июнда 8855 та янги касалланиш ҳолатлари аниқлангани хабар қилинганди.
Бир сутка давомида 134 нафар бемор инфекция асоратлари оқибатида вафот этган. Россияда касалланиш билан боғлиқ ҳолатлар илк бор аниқлангандан бери қайд этилган ўлим ҳолатларининг умумий сони 5859 тага етган.
Бир суткада 5343 нафар бемор касалликдан тузалган. Шу тариқа соғайганларнинг умумий сони 226 минг 731 нафарни ташкил қилмоқда.
7 июнь ҳолатига кўра, бир сутка давомида коронавирусни аниқлаш учун жами 332 мингта тест ўтказилган. Мамлакатда эпидемия даври давомида 12,7 миллионта COVID-19 тести амалга оширилган.
Изоҳ (0)