Dunyoda koronavirusga chalingan bemorlar soni 5,5 million kishidan oshdi. Bu haqda Jons Hopkins universiteti ma’lumotlariga tayanib, “RIA Novosti” xabar berdi.
Foto: “RIA Novosti”
Universitet ma’lumotlariga ko‘ra, dunyoda koronavirusga chalinish bo‘yicha holatlar soni 5 508 904 taga yetgan. COVID-19 kasalligi oqibatida 346 508 kishi vafot etgan.
Butun dunyoda koronavirusdan tuzalgan bemorlar soni esa 2 234 510 kishini tashkil qilmoqda.
Jahon sog‘liqni saqlash tashkiloti ma’lumotlariga ko‘ra, Janubiy Amerika koronavirus infeksiyasi tarqalishining yangi o‘chog‘iga aylandi. Mazkur mintaqada joylashgan Braziliya kasallanganlar soni bo‘yicha Rossiyadan oshib ketdi va dunyoda ikkinchi o‘ringa chiqdi.
Eslatib o‘tamiz, butun dunyo bo‘ylab koronavirusga chalinganlar soni 5 million kishidan oshgani haqida 21-may kuni xabar berilgan edi.
