АҚШда коронавирус инфекциясидан фориғ бўлган беморлар сони 500 минг нафардан ошди. Ушбу ахборот Жонс Ҳопкинс университети тақдим этган статистик маълумотларда акс этган.
Маълумотга кўра, АҚШда касалликдан тузалганлар сони 500 минг 549 нафарни ташкил қилмоқда, мамлакатда эпидемия бошлаганидан бери 109 минг 802 нафар бемор инфекция асоратлари оқибатида ҳаётдан кўз юмган. АҚШда коронавирус юқтириб олиш бўйича ҳолатларнинг умумий сони эса 1 миллион 920 минг 61 тага етган.
28 майда АҚШда коронавирусдан вафот этганлар сони 100 минг кишидан ошиб кетгани хабар қилинган.
Жаҳон соғлиқни сақлаш ташкилоти 11 мартда коронавирус инфекциясининг дунё бўйлаб тарқалиши пандемия даражасига чиққанини эълон қилган. Ташкилот берган сўнгги маълумотлар бўйича дунёда 6,6 миллион нафардан зиёд киши COVID-19 билан касалланган.
Жонс Ҳопкинс университети берган маълумотларга кўра, бутун дунёда COVID-19 коронавирус инфекцияси асоратлари оқибатида вафот этганлар сони 400 минг нафардан ошиб кетган. Worldometer порталида эълон қилинган статистика бўйича эса жаҳонда жами 402,5 мингта ўлим ҳолатига коронавирус туфайли келиб чиққан касаллик сабаб бўлган. Бутун дунёда COVID-19 коронавируси инфекциясини юқтириб олганларнинг умумий сони 6,9 миллиондан ошиб кетган.
Изоҳ (0)