Андижонда ўзганинг Lacetti автомашинасини универсал Magicar пультидан фойдаланган ҳолда очиб, ичидан қимматбаҳо буюмларни ўғирлаётган шахс қўлга олинди. Бу ҳақда «Дарё»га Андижон вилояти ИИБ ахборот хизмати хабар бермоқда.
Маълум бўлишича, ушбу жиноят 2020 йил 17 май куни соат 13:00 ларда муқаддам олти маротаба судланган фуқаро С.С. томонидан амалга оширилган.
У Андижон шаҳри «Ёрбоши» маҳалласида жойлашган «Жаҳон савдо бозори» МЧЖ ҳудудидаги автомашиналар тураргоҳида фуқаро А.Н.га тегишли қаровсиз қолдирилган Lacetti автомобилини универсал Magicar пультидан фойдаланган ҳолда очиб, ичидан қимматбаҳо буюмларини ўғирламоқчи бўлган ва шу жойда хизмат олиб бораётган ИИБ ходимлари томонидан жиноят устида қўлга олинган.
Мазкур ҳолат юзасидан 18 май куни Жиноят кодексининг 169-моддаси 1-қисми (Ўғрилик) билан жиноят иши қўзғатилиб, фуқаро Жиноят процессуал кодексининг 221-моддаси (Ушлаб туриш асослари) тартибида ушланган.
Ҳозирда жиноят иши юзасидан тергов ҳаракатлари олиб борилмоқда.
Изоҳ (0)