23:54, 19.03.2020 59877

Исо ҳайкалига туширилган байроқлар, коронавирус бўйича видеоселектор, ниқобини тузатаётган президент. 19 март суратлари

19 март, пайшанба куни, дунёнинг турли бурчакларида олинган энг қизиқарли суратлар жамланмасини тақдим этамиз.

Римда бошпанаси йўқ одам Қизиқ Хоч ходимлари билан суҳбатлашмоқда. Коронавирус туфайли уйсизларнинг ҳам аҳволи оғирлашмоқда. Уларга қолган овқатларни берадиган ресторанлар ёпилган, садақа бериши мумкин бўлган одамлар ҳам уй карантинида. Шу сабабли Қизил Хоч уйсизларга ёрдамни кучайтирмоқда.

Фото: Reuters

Мавзуга доир: Италияда коронавирус келтириб чиқарган ўлим ҳолатларининг тафсилотлари ошкор этилди

Москвадаги Қизил майдонда Ғалаба парадига тайёргарлик ишлари давом этмоқда.

Фото: «ТАСС»

Британиянинг Харпенден шаҳридаги дўконнинг бўш пештахталари орасидан ўтаёган харидор.

Фото: Reuters

Мавзуга доир: ДСҚ коронавирус сабаб нархларнинг сунъий оширилгани юзасидан 1600 дан зиёд шикоятлар келиб тушганини маълум қилди

Жанубий Кореяда ўрмон ёнғинлари содир бўлди.

Фото: EPA

Индонезиядаги савдо маркази лифтида коронавирус хавфи туфайли бир-биридан маълум бир масофада турган одамлар.

Фото: Reuters

Мавзуга доир: COVID-19 ўзидан олдинги вирусларга қараганда қанчалик хавотирли? Сўнгги йигирма йилликнинг энг хавфли эпидемиялари

Истанбулдаги Нуруусмония масжиди дезинфекция қилинмоқда.

Фото: Anadolu Agency

Мавзуга доир: «Пешонамизга коронавирусдан ўлиш ёзилган бўлса, тақдирдан қочиб қутула олмаймиз». Ўзбек шоу-бизнеси вакиллари одамларни ваҳима қилмасликка чақирмоқда

Германиянинг жанубий ҳудудларида бодом гуллади.

Фото: EPA

Рио-де-Жанейродаги Исо масиҳ ҳайкалига коронавирусдан азият чеккан давлатларнинг байроғи туширилди. Ҳайкалнинг чап қўлида Ўзбекистон байроғини кўриш мумкин.

Фото: Getty Images

Мавзуга доир: Санъат вирусга қарши (фотогалерея)

Қиролича Елизавета II коронавирус хавфи туфайли Лондонни тарк этиб, Виндзор қалъасига кўчиб ўтмоқда.

Фото: PA Media

Мавзуга доир: Монако князида коронавирус инфекцияси топилди. У COVID-19 ни юқтириб олган биринчи давлат раҳбари

Кўнгиллилар Ироқнинг Мосул шаҳрида кучли ёғингарчиликдан сўнг юзага келган тошқинлардан жабрланган, ёрдамга муҳтож одамларни изламоқда.

Фото: Reuters

Шотландиядаги «Блэр Драммонд» сафари-паркида ўтган йили ноябрда туғилган шер болалари оммага намойиш этилди.

Фото: PA Media

Шавкат Мирзиёев коронавирус пандемиясининг аҳоли турмуш даражаси ва иқтисодиёт тармоқларига салбий таъсирини юмшатиш масалаларига бағишланган видеоселектор ўтказди.

Фото: Президент матбуот хизмати

Мавзуга доир: Ўзбекистонда коронавирус сабабли юзага келадиган иқтисодий муаммоларга қарши курашиш учун 10 трлн сўм ажратилади (видео)

Гонконг аэропортида ниқоб тақиб, юзини полиэтилен целлофан билан тўсиб олган йўловчи. Энди Гонконгга келган барча 14 кун давомида карантинга олинади.

Фото: EPA

Мавзуга доир: «Эпидемия» фильми коронавирус сабаб яна машҳурликка эришди. Ундаги воқеалар реалликка мос келмоқда

Италия аҳолиси карантин вақтида балконда бадантарбия билан шуғулланмоқда.

Фото: Reuters

Венадаги метро эскалаторидан тушиб келаётган ёлғиз йўловчи.

Фото: Reuters

Бразилия президенти Жаир Болосанару коронавирус тарқалишининг олдини олиш бўйича мамлакатда амалга оширилаётган ишлар бўйича ўтказилган матбуот анжуманида тиббий ниқобини тўғрилаб олмоқда.

Фото: Reuters

Мавзуга доир: Бразилия Сенати раиси ҳам коронавирусга чалинди