Нидерландия соғлиқни сақлаш вазири Бруно Брюинс парламентда коронавирусни муҳокама қилиш пайтида ҳушидан кетди. Бу ҳақда «Nu.nl» газетасига таяниб «РБК» хабар бермоқда.
Мажлисдан олинган лавҳаларда парламент аъзоларидан бири савол бермоқчи бўлганида, гапиришдан тўхтаб қолгани, шу вақтда минбарда турган Брюинс ҳушини йўқотиб йиқилгани, уни ёнидаги парламент аъзолари ушлаб қолганини кўриш мумкин. Сўнг вазир ўзига келиб, сув ичган ва шундан кейин у мажлислар залидан олиб чиқиб кетилган.
Кейинроқ Брюинс ўзининг Twitter’ида қўллаб-қувватлашлар учун барчага миннатдорчилик бирдирган ва ҳушидан кетиши охирги ҳафталардаги қаттиқ ишлаш ва чарчоқ туфайли юз беганини билдирган.
«Ҳозир дам олиш, эртага эса ишга қайтиб коронавирусга қарши курашиш учун уйга кеяпман», — деб ёзган вазир.
Нидерландияда коронавирусдан дастлабки ўлим ҳолари 6 март куни қайд этилган. Шундан буён мамлакатда вирусдан умумий ҳисобда 58 киши вафот этди. Американинг Жон Ҳопкинс университети маълумотларига кўра, Нидерландияда COVID-19 2 056 кишида аниқланган, икки киши расман тузалган.
Жаҳон соғлиқни сақлаш ташкилоти маълумотларига кўра, 18 мартда бутун дунёда коронавирус юқтирганлар сони 200 минг кишидан ошди. Касалликка чалиниш ҳолатларининг катта қисми, яъни 80 фоизи икки минтақада — Европа ва Осиё-Тинч океани минтақасига тўғри келмоқда.
Изоҳ (0)