Флорида штатидан бўлган республикачи конгрессмен Марио Диас-Баларт коронавирус билан касалланган АҚШ олий қонунчилик органининг илк аъзосига айланди, деб хабар беради CNN.
Конгрессмен матбуот хизматининг маълум қилишича, Марионинг аҳволи 14 март куни ёмонлашиб қолган: тана ҳарорати кўтарилиб кетиб, бошида оғриқ турган. У коронавирус учун тест топширган ва орадан бироз вақт ўтгач натижалар ижобий чиққан.
Диас-Баларт Twitter’даги саҳифаси орқали ўзининг аҳволи яхши эканлигини маълум қилган. У америкаликларни коронавирус пандемиясига нисбатан жиддий ёндашишга чақирган. «Касалликдан қочиш ва унинг тарқалишига қарши курашиш йўлида барчамиз АҚШ Касалликлар назорати ва профилактикаси марказларнинг тавсияларига риоя қилишимиз керак», — дейди конгрессмен.
Аввалроқ коронавирус Британия соғлиқни сақлаш вазири ўринбосарида, шунингдек, Италия Қуролли кучлари бош штаби бошлиғида аниқлангани ҳақида хабар берилганди. Шунингдек, Трамп ва Пенс қатнашган конференция иштирокчисидан коронавирус аниқланган эди.
Мавзуга доир: Трамп Хитойнинг коронавирус АҚШ ҳарбийлари томонидан тарқалгани тўғрисидаги тахминини ёлғон деб атади
Изоҳ (0)