COVID-19 коронавирусининг тарқалгани дунё давлатларининг кўпчилигида одамларни уй шароитида карантинга ўтиришга мажбур қилмоқда, лекин кўпчилик онлайн ресурслар бу борада турли чегирмалар ва бепул акцияларни жорий қилиб, уларни текинга нимадир ўрганишга ёки янги сериал ва фильмларни кўришига шароит яратмоқда.
11 мартда ЖССТ COVID-19 коронавирусининг тарқалиши пандемия даражасига чиққанини эълон қилди. Бутун дунёда одамлардаги саросима кузатилмоқда: Европада ҳожатхона қоғози учун кураш бошланган, айримлар зерикишдан уйларининг балконига чиқиб қўшиқ куйламоқда. Россияда карантин эълон қилинмаган, лекин кўп компаниялар ходимларини офисга келмай уйдан ишлашига рухсат берган, Москвадаги мактаблар эса карантин сабаб ёпилмоқда.
Уйда камида икки ҳафта карантинда қолаётганларни қўллаб-қувватлаш мақсадида онлайн-кинотеатрлар фойдаланувчиларга бепул обуна, кўнгилочар дастурлар эса текинга ўқув курсларида ўқишни таклиф этмоқда.
15 мартдан «Газпром-медиа» холдинги томонидан яратилган Premier онлайн-кинотеатри барча контенти — сериаллар, фильмлар ва реалитй шоуларни томоша қилишни бепул қилди;
«Кинопоиск HD» онлайн-кинотеатри эса промокод бўйича обуна бўлмаганлар учун ҳам апрель охиригача текинга медиамаҳсулотлар кўриш имконини яратди. Шунингдек, бепул мусиқа тинглашга мўлжалланган «Яндекс.Плюс» сервисидан фойдаланишда ҳам чегирмалар берган;ivi онлайн-кинотеатри сервис нархини 1 рубль деб белгилаган. Ушбу акция 16 мартдан 15 апрелгача давом этади;
16 мартдан бошлаб Mail.ru’нинг Combo лойиҳаси промокод орқали уланган фойдаланувчиларга 50 фоизли чегирма беради. Обуна бўлганлар 30 апрелгача Okko онлайн-кинотеатридаги видеомаҳсулотларни ва «Мегафон-ТВ» каналларини томоша қилиши мумкин;«Okko Спорт» пандемия сабаб тўхтатилган Англия премьер-лигасининг, архивдаги ўйинларини қайта кўриш имкониятини ҳам яратган. Учрашувлардан ташқари, мавсумлар ҳақидаги видеолар ва энг чиройли голларни кузатиш имконияти яратилган;
Бошқа онлайн сервислар кўрсатувчи ресурсларда ҳам турли чегирмалар ва акциялар эълон қилинган.
Coursera онлайн-таълим платформаси ҳамкорлик қилувчи университетлар билан махсус масофавий курсларнинг 2020 йил 31-ийилгача очиқ эканини маълум қилди. Агар олий таълим муассаси сервисда рўйхатдан ўтган бўлса талабаларга маърифий дастурлар бўйича таълим олиш имконияти яратилади;
«Радио Arzamas» ҳам коронавирус карантини сабаб ўқув курслари, подкастлар ва аудиоматериалларга 15 кунлик бепул обунани эълон қилган;
Электрон мутолаа сервиси Bookmate ҳам китоблар учун чекловларни олиб ташлади.
«Учи.ру» маърифий онлайн-платформаси 23 мартдан бошлаб ўқитувчиларга видеоалоқа орқали масофадан туриб дарслар ўтказиш имкониятини яратиб беради.
Twitter’да Россия ва хориж давлатларидаги бепул ўқув дастурлари ҳақидаги хештеглар трендга чиқарилди. Масалан, Microsoft онлайн-курслари, Пушкин музейи ва бир нечта университетларнинг номлари трендга чиққан.
Бизнес ва мусиқий чиқишлар ҳам онлайн-режимга ўтмоқдаКоронавирус пандемияси даврида ЖССТнинг оммавий тадбирлар ўтказмаслик ҳақидаги тавсияси асосида Doing Great Agency томонидан STAY онлайн концертлар формати жорий этилади;STAY платформаси оммавий тадбирлар, турнелар, концертлар ўтказа олмаётган артистларни қўллаб-қувватлаш мақсадида яратилган. Ғояга кўра, артистлар стримминг концертлар уюштириши мумкин. Компания концертлар чипталарини тоифаларга ажратиб чиқмоқчи: одатий чиптадан ташқари, онлайн трансляция вақтида хонанданинг шахсий саломлашувини ҳам томоша қилиш мумкин. Дастлабки концерт 26–29 март кунлари ўтказилиши режалаштирилган;19 март куни «Mail.ru для бизнеса» Myteam мессенжеридан фойдаланишни компаниялар учун бепул қилади ва Teambox’даги имкониятларни янада кенгайтиради. Бу орқали COVID-19 туфайли ходимлари уйдан ишлашга ўтган компанияларнинг харажатларини қисқартириш кўзда тутилган.
АҚШда опера онлайн трансляция қилинмоқда, Disney эса мултфильмларни муддатидан аввал намойиш қилмоқдаНью-Йоркдаги Метрополитен опера театри саҳнадаги чиқишни ўз сайтида тўғридан-тўғри намойиш қилишини ваъда берди. Компания АҚШдаги кейинги спектаклларни коронавирус пандемияси сабаб бекор қилганди. Биринчи ҳафтадаги онлайн-трансляциялар дастурига Дмитрий Хворостовский ҳамда Анна Нетребко иштирокидаги «Трубадур» ва «Евгений Онегин» опералари ҳам киритилган;
Disney+ онлайн платформаси фойдаланувчиларга фильмлар намойишини бепул қилгани йўқ, бироқ «Муз юрак 2» мултфильмини белгиланган муддатдан икки ой аввал томошабинлар эътиборига ҳавола қилди. Компания ушбу йўл билан карантинда болалари билан қолган ота-оналарни қўллаб-қувватлаган. Шунингдек, платформада кутилган «Юлдузлар жанги» туркумидаги янги фильмни жойлаштирган;
Американинг Scholastic мактаб журнали уй шароитида онлайн таълим берувчи сайтни ишга туширган. Компания болалар ва уларнинг ота-оналарини қўллаб-қувватламоқда. Сайтда видеодарсларга асосланган топшириқлар ва вазифаларни танлаш, машқларни бажариш, керакли билим олиш мумкин.
Айримлар ижтимоий тармоқлардаги хизматларни карантин даврида бепул қилишни сўрамоқда, бошқалар эса текин хизматларсиз ҳам ўз уйларида муаммоларсиз карантинда ўтирибди.
Изоҳ (0)