16-mart, dushanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.
O‘zbekistonda koronavirus aniqlanganidan so‘ng har kim o‘zi uchun shaxsiy gigiyenik choralarni ko‘rib qo‘ymoqda. Toshkentning Chilonzor tumanidagi gavjum ko‘chada ketayotgan yigit niqob va qo‘lqoplar bilan himoyalangan. Orqa fondagi tozalash va obodonlashtirish xodimlari ham himoya vositalari bilan “qurollangan”.
Foto: “Daryo”
Turkiyaning Van viloyatida podachi yangi tug‘ilgan qo‘zichoqni sovuqdan himoyalash uchun quchoqlab olgan.
Foto: Anadolu Agency
Vashingtonda AQSh prezidentligiga demokratlardan nomzodlar — sobiq vitse-prezident Jo Bayden va senator Berni Sandersning debati o‘tkazildi. Koronavirus xavfi tufayli CNN studiyasidagi debat tomoshabinlarsiz o‘tkazildi. Suratda ikki nomzod tirsaklarini bir-biriga tekkizib, salomlashmoqda.
Foto: Reuters
Avstraliya koronavirus xavfi tufayli kruiz kemalarini qabul qilishni to‘xtatishidan biroz avval Viking Orion layneri Melburndagi portga kelib to‘xtashga ulgurdi. Bortda 724 kishi bor.
Foto: EPA
Suriyaning Idlib viloyatida aviazarbalardan katta zarar ko‘rgan bino tepasidagi ayol.
Foto: AP Photo
Faollar Britaniya bosh vaziri qarorgohi yaqinida koronavirus tarqalayotgan vaqtda JSSTning tavsiyalariga amal qilishga chaqirdi.
Foto: EPA
Mavzuga doir: “Niqoblar to‘g‘ri taqilmasa, virusdan himoya qilmaydi”. Tibbiyot niqoblarining foyda va zarari haqida
O‘zbekistonda koronavirus yuqtirib olish holatlari qayd etilganidan so‘ng Toshkent shahrida yo‘l patrul xizmati xodimlari ham tibbiy niqoblarni taqishni boshladi.
Foto: “Daryo”
Mavzuga doir: O‘zbekistonda kuniga 500 ming dona tibbiy niqob ishlab chiqarilmoqda, ularning sonini 2 milliontaga yetkazish mumkin
Toshkentda qurilayotgan uch qavatli ko‘prik yaqinida niqob taqib olgan YPX inspektori.
Foto: “Daryo”
Gretsiyaning Lesbos orolidagi qochoqlar lagerida yong‘in sodir bo‘ldi.
Foto: Reuters
Koronavirus pandemiyasi vaqtida talab kamayib ketgani uchun Niderlandiyadagi eng katta auksionlardan birida gullar yo‘q qilinmoqda.
Foto: PA Media
Manxettendagi bo‘sh ko‘chalardan biri. Nyu-York meri koronavirus tarqalishining oldini olish uchun tungi klublar, konsert zallari, barlar, restoranlarni yopishga qaror qildi.
Foto: Reuters
Britaniyadagi Pen-i-Van cho‘qqisida quyosh botishi.
Foto: Shutterstock
Xitoyning Uxan shahrida volontyor masofadan boshqariladigan robot yordamida ko‘chalarni dezinfeksiya qilmoqda.
Foto: AFP
Mavzuga doir: Xitoy iqtisodiyotida 30 yil ichida koronavirus tufayli eng salbiy natijalar qayd etildi
Koronavirusdan himoyalanish uchun niqob taqib olgan venesuelaliklar Kolumbiya chegarasidan o‘tishga urinmoqda.
Foto: AFP
Rio-de-Janeyroning Ipanema plyajidagi odamlar.
Foto: Reuters
Livandagi qochoqlar lagerida suriyalik ayol koronavirusdan himoya vositasi sifatida o‘g‘liga niqob taqib qo‘ymoqda.
Foto: Reuters
Mavzuga doir: Video: O‘zbekiston Eronga koronavirusdan himoyalanish vositalaridan iborat gumanitar yordam jo‘natdi
Chililik 22 yoshli talaba Gustavo Gatika Brayl sistemasidagi Rubik kubigini o‘ynamoqda. 2019-yilda politsiyaning rezina o‘qidan yaralangach, uning ikkala ko‘zi ham ko‘rmay qolgan.
Foto: Reuters
Iroqning Karbalo shahridagi Imom Abbos masjidi hududini dezinfeksiya qilayotgan ishchi.
Foto: Reuters
Mavzuga doir: Koronavirusdan himoyalanish bo‘yicha asosiy choralar
Jorjiya shtatidagi rodeo koronavirus xavfi sababli yopiq eshiklar ortida o‘tkazildi.
Foto: Getty Images
Toshkentdagi Maxtumquli, Temur Malik, Parkent va Ohangaron ko‘chalari tutashmasida qurilayotgan uch qavatli ko‘prikda mehnat qilayotgan ishchi niqobda ish joyiga bormoqda.
Foto: “Daryo”
Mavzuga doir: Foto: Toshkentdagi uch qavatli ostin-ustun yo‘lda harakat boshlandi. Ko‘prik yaqin vaqt ichida to‘liq ochilishi kutilmoqda
Moskvada himoya niqoblaridagi ishchilar metro vagonlarini dezinfeksiya qilmoqda.
Foto: Reuters
Yonayotgan shinalar yaqinida turgan ayollar Suriyaning Idlib viloyatidagi M4 trassasini birgalikda patrullash bo‘yicha Turkiya va Rossiyaning kelishuviga qarshi norozilik aksiyasi o‘tkazmoqda.
Foto: Reuters
Vengriyaning Shalgotaryan shahrida burj yorug‘ligi fonida Venera sayyorasi ko‘rinmoqda.
Foto: EPA
Avvalgi kunlarning fotogalereyalari:
- O‘zbekistonga kelgan koronavirus, bo‘sh peshtaxtalar, harorat o‘lchayotgan monax. 15-mart suratlari
- Kimsasiz Ka’ba, “Koronasur” devi, lift tugmasini barmoqda bosolmayotgan eronlik. Hafta suratlari
- Osmondagi yozuv, niqobsiz Kim Chen In, Mehrimoh sulton masjididagi dezinfeksiya. 13-martning eng qiziqarli suratlari
- Koronavirus tufayli hindcha salomlashayotgan Tramp, gazniqobdagi o‘quvchi, 100-qavatdagi kuzatuv maydoni. 12-martning eng qiziqarli suratlari
