23:58, 15.03.2020 325779

O‘zbekistonga kelgan koronavirus, bo‘sh peshtaxtalar, harorat o‘lchayotgan monax. 15-mart suratlari

15-mart kuni dunyoning turli burchaklarida olingan eng qiziqarli suratlar jamlanmasini taqdim etamiz.

Toshkentda tibbiy niqoblarni taqib olgan yoshlar.

Foto: “Daryo”

Mavzuga doir: O‘zbekistonda koronavirus qayd etilganidan so‘ng Toshkentda niqob taqib yurganlar soni ko‘paydi (fotoreportaj)

Tailandda ibodatxonaga kelgan tashrifchining haroratini o‘lchayotgan budda rohibi.

Foto: Reuters

Mavzuga doir: Koronavirusdan saqlanish uchun hamma amal qilishi lozim bo‘lgan tavsiyalar

Meksika rallisida belgiyalik poygachi Tyerri Nevil Hyundai i20 Coupe WRC mashinasida harakatlanmoqda.

Foto: EPA

Dehlida jamoat transporti dezinfeksiya qilinmoqda.

Foto: AFP

Mavzuga doir: Koronavirus pandemiyasi Ikkinchi jahon urushidan beri eng kuchli inqiroz deb topildi

Buenos-Ayresda koronavirusdan himoyalanish uchun polietilen sellofan ichida o‘tirgan kassir.

Foto: Reuters

O‘zbekiston bosh vaziri Abdulla Aripov umumxalq hasharida ishtirok etib, Toshkent Islom universiteti ro‘parasidagi xiyobonda daraxt ekmoqda.

Foto: O‘zbekiston hukumati portali

Mavzuga doir: 14—15-mart kunlari o‘tkazilgan umumxalq xayriya hasharida salkam 16 million nafar O‘zbekiston fuqarosi qatnashdi

Bali orolida niqob taqib olgan turistlar.

Foto: EPA

Mozambikda bolalar, ularning o‘qituvchisi BMT Aholi fondining tibbiyot markazi oldidan o‘tmoqda. Mamlakatga Iday sikloni yopirilganidan beri bir yil o‘tgan bo‘lsa-da, 2,5 million aholi gumanitar yordamga muhtoj.

Foto: AP Photo

O‘zbekistonda koronavirus bilan bog‘liq birinchi holat qayd etilgach, bosh vazir ishtirokida matbuot anjumani o‘tkazildi. Suratda chapdan o‘ngga: bosh vazir o‘rinbosari Aziz Abduhakimov, Prezident maslahatchisi Abdujabbor Abduvohidov va bosh vazir Abdulla Aripov.

Foto: “Daryo”

Mavzuga doir: Abdulla Aripov ishtirokidagi koronavirusga bag‘ishlangan matbuot anjumanida hech kim niqob taqmadi. Ammo isiriq tutatildi (fotoreportaj)

Vashingtonda xaridorlar deyarli bo‘sh peshtaxtalar oldidan o‘tmoqda. Bu peshtaxtalarda odatda hojatxona qog‘ozi va qog‘oz salfetkalar turardi.

Foto: AP Photo

Mavzuga doir: Dunyo bo‘ylab koronavirus bilan kasallanganlar soni 156 mingdan oshdi. 5819 kishi vafot etdi

Qor yog‘ayotgan vaqt Qizil maydon bo‘ylab ketayotgan odamlar. Moskvada havo harorati -6 darajagacha sovishi mumkin.

Foto: “TASS”

Armaniston poytaxti Yerevanda avtobus dezinfeksiya qilinmoqda.

Foto: “TASS”

Mavzuga doir: “Hamma bir kun o‘ladi”. Ramzan Qodirov koronavirusdan qo‘rqmaslikka va sarimsoq yeyishga chaqirdi

Angliyaning Bat shahrida o‘tkazilgan yarim marafon ishtirokchilari startda. Koronavirus xavfiga qaramay, marafon qoldirilmadi.

Foto: PA Media

O‘zbekistonda koronavirus bilan bog‘liq birinchi holat qayd etilgach, supermarketlarda katta navbatlar yuzaga keldi.

Foto: Telegram

Mavzuga doir: O‘zbekistonda koronavirus aniqlandi, Navro‘z bekor qilindi, maktab va bog‘chalar ta’tilga chiqdi. Asosiy ma’lumotlar

Nigeriyaning Lagos shahrida neft quvurida portlash sodir bo‘ldi. Hodisa oqibatida kamida 15 kishi halok bo‘ldi, 50 ga yaqin bino zararlandi.

Foto: Reuters

Barselonadagi Rambla ko‘chasida chemodanlarini tortib ketayotgan odamlar. Ispaniya hukumati koronavirus tarqalishining oldini olish maqsadida 14-martdan boshlab restoranlar va boshqa muassasalarni yopdi.

Foto: AP Photo

Mavzuga doir: Ispaniya bosh vazirining rafiqasida koronavirus aniqlandi. Ispanlarning alohida zaruratsiz ko‘chaga chiqishi taqiqlandi

Turkiya—Gretsiya chegarasi yaqinida Gretsiya o‘z chegaralarini ochishini umid bilan kutayotgan qochoqlar.

Foto: Anadolu Agency

Londondagi shou oldidan Britaniya sog‘liqni saqlash vaziri Mettyu Xenkok va Italiyaning Buyuk Britaniyadagi elchisi Raffaele Trombetta tirsaklarini tekkizib ko‘rishmoqda.

Foto: AFP

Mavzuga doir: Donald Tramp koronavirusga test topshirdi. Unda kasallik aniqlanmadi