Шавкат Мирзиёев «Ўзбекистон Республикаси айрим судларига судьяларни лавозимларга тайинлаш тўғрисида»ги фармойишга имзо чекди. Бу ҳақда ЎзА хабар берди.
Судьялар олий кенгаши матбуот хизматидан маълум қилишларича, вилоят судларидан учтасига раислар тайинланган.
Илёс Тешаев судьялик лавозимида бўлишнинг 10 йиллик даврига, 5 йил муддатга Хоразм вилояти иқтисодий судининг раиси лавозимига тайинланди.
Атабек Маткаримов судьялик лавозимида бўлишнинг 10 йиллик даврига, 5 йил муддатга фуқаролик ишлари бўйича Хоразм вилояти судининг раиси лавозимига тайинланди.
Баҳодир Жумаев судьялик лавозимида бўлишнинг 10 йиллик даврига, 5 йил муддатга фуқаролик ишлари бўйича Сурхондарё вилояти суди раиси лавозимига тайинланди ва шу муносабат билан фуқаролик ишлари бўйича Навоий вилояти суди раисининг ўринбосари лавозимидан озод этилди.
Изоҳ (0)